¹ Ndaka talira ndikavhona gwayana laka mira panyezulu pa Thavha ye Zion.Panga alipo panga pane 144,000 vhanhu vhanga vhakanwagwa zina la Bhabha pamaza. ² Ndaka hwa ihwi lakabva nyezulu litshieta sevulu inodira yakawanda noubvumo ukugwane.Ihwi landakahwa laiyeta sevhatambi mbira. ³ Vhakayimba lumbo lunyowani panda krtshigalo tshovhushe, napanda kezwisikwa zwipenyu zwino na vhakugwane, hapana unhu waka fundija lumbo hogu,asi vheya vhane 144,000 vhanga vhabva kunyika. ⁴ Ndivho vhasina kuswibisa navhakaji, nokuti vhakanaka seisikana.Ndivho vhanotevhera Gwayana kose kalinoenda.Ndivho vhaka jikunigwa pakati pavhanhu, kuti vhavhe zwibebo zwokutanga kuna Mwali noku Gwayana. ⁵ Imwi milomo yenu haina uvhoneka manyepo; havha tshavhanga pomejegwa panda petshigalo tshamwali ⁶ Zwino ndaka vhona umwe utumwa atshifufha pakati pemakole ane vangeri lisingaperi, kuti ayipalijire vhano gala panyika, namaluji ose, nendimi jose na vhanhu vhose. ⁷ Wakati nehwi gugwane, "ihlani Mwali, mulumbije nokuti tshikati tshitshe tshokutanga tshaswika, rabhirani iye, wasika makole nenyika ne gungwa nezwisenya zwevula." ⁸ Umwe utumwa- utumwa wavhuvhiri- watevhera, atshiti, "Lawa, lawa, Babylon,zikugwane, lakanwisa luji gose waini yokutshamwa kovhupombwe havho." ⁹ Umwe utumwa wetshitatu ukatevhera, akati nehwi gugwane, "Kana unhu akarabhira tshivhanda nofananijo watsho, nokusangamija tshisumbijo pamhaza kana paluvhoko gugwe, ¹⁰ naiye utshamwa vho waini yokutshamwa ka Mwali, yakadigwa isina kusanganisiwa mukhombe weswiri jije.Utshatambujiwa mumoto ne surfeli panda kavhatumwa vhatswene, napanda ke Gwayana. ¹¹ Vhusi hokutambula kavho huno kwira nokusingaperi peri,havhana zololo masikati novhu siku, ivho vhano rabhira tshivhanda nofananijo watsho nousangamiji tshisumbijo tshezina latsho. ¹² Ndipo panoku kozerera kavho tswene, ndivho vhano tshengeta milayo ya Mwali nokutenda ka Jeso." ¹³ Ndaka hwa ihwi litshibva nyezulu litshiti, "Nwalani hezwi: Vhakakombolegwa ndihavho vhakafira muna Ishe." "Ndizwo," zwitshilehwa ne mwiya, "kuti vhazolole pakubata kavho kukugwane nokuti mabasa avho anovha tendera." ¹⁴ Ndaka talila , panga pane gole jena. Pagole panga pagere ulume unengr semwana woutukana.Panyezulu pape panga pane Siliveri ne Ndalama napaluvhoko guge ane sengere yayi pizha. ¹⁵ Umwe utumwa ukabuda mugereke aka davhijira nehwi gungwane kuna howo ugere pagole: "Tola segere uthome kutsheka nokuti tshikati tshakwana nokuti kutsheka kenyika kaka ibva." ¹⁶ Iyapo wanga agere panyezulu pagole akakandira segere lile panyika, nyika ikatshekwa nokuti yanga yavhibva. ¹⁷ Umwe utumwa akabva mugereke nyezulu ;naiye wanga ane segere yayi pizha. ¹⁸ Naiyezwo umwe utumwa wanga ane simba panyezulu pemoto.Wakabuda pa alitari akadanijira nehwi gugwane kuna hoyo wanga ane segere yaipizha, atshiti, "Tola segere inopizha mutsheke matavhi owuzambiringa nokuti mazambiringa awo avhibva." ¹⁹ Utumwa ukaposera segere iye panyika, atsheka uzambiringa wenyika, iye akazwikandira mutshiswinulo tshikugwane tshokutshamwa tsha Mwali. ²⁰ Tshiswinulo tshaka tshaka tshikwa kuze ke Dorobha, malopa aka buda akaswika pamadomu amabhiza, likaenda mastaid ane 1'600.