¹ Nayezwo ndakavhona tshivhanda tshitshikwiea tshitshibva mugungwa.Tshinenyanga jinegumi nemisolo mishanu namivhiri napanezulu penyanga jatsho panga panekorona jinegumi, napanhuezulu yemisolo yatsho mazinha okunyalaja Mwali. ² Tshivhanda tshandavhona tshanga tshakaeta sengwe.Nesoka jahone sejebere, noulomo watsho unenge ulomo wendau.Salo ikatshipa simba layo, netshigalo tshayo, tshovhushe namasimba makugwane. ³ Umwe usolo watsho wanga wakaeta sowakakuvhajiwa, asi heyo mbonje yanga yapola.Nyika yose ikakahlamala ikatevhera tshivhanda. ⁴ Vhakarabhira sato, nokuti yakapa tshivhanda masimba.Vhakarabhira tshivhanda,tshaiko, vhatshiti, "Ndiyani unofanana netshivhanda?" futhi "Ndiyani unokona kugwa natsho?" ⁵ Tshivhanda tshakapiwa ulomo wokotevhereka mamhungo makugwane nezwenyalajo.Tshakapiwa simba kuti tshiete kemweji inamakumi manaa nemivhiri. ⁶ Tshivhanda tshakasamisa ulomo watsho kuti tshilevhereke zwokunyalaja Mwali, nokunyalaja zina lile negereke iye, nayavho vhanogala kumakole. ⁷ Tshivhanda tshakapiwa masimba kuti tshigwe navhatswene vha Mwali nokuvhakunda.Naiko, tshakapiwa masimba panhezulu pamaluji ose, navhanhu vhose, zwilevho zwose, namaluji ose. ⁸ Vhose vhanogala panyika vhatshatshi rabhira, vhose vhasina kumwagwa mu Buku lovhupenyu, legwayana lakabayiwa kubva pakusikwa kenyika. ⁹ Kana unezevhe , ngahwe. ¹⁰ Kana unhu atshivhulaya nepfumo unofanira kuvhulawa, nepfumo.Ndipo pane kukozerera nokutenda kavhatswene vha Mwali. ¹¹ Nayezwo ndikavhona tshimwe tshivhanda tshitshikwira tshitshibva panyika.Tshinenyanga jinenge jegwayana, tshikalevhereka sesato. ¹² Tshinobata nesimba lose etshikara tshokutanga panda katsho, tshinokombereja nyika navhagere mukayi mayo kuti vharabhire tshivhanda tshokutanga tshiya tshinohwi mbonje linofanira kutshivhulaya. ¹³ Tshinoeta zwisumbijo zwikugwane, zwikutp tshinojikitisira moto unobva kumakole panyia papanda pavhanhu. ¹⁴ Tshinonyengejera vhanogala panyika nezwisumbijo zwatshakapihwa,kuti tshizwiete papanda petshivhanda kuna vhanogala panyika, vhaetere tshivhanda-mifananijo tshiya tshanga tshinembonje yepfumo,asi tshaka phira. ¹⁵ Tshakapiwa masimba okupa ufananijo wetshivhanda mwiya kuti ufananijo wetshivhanda ulevhereke tshilayijire kuti vhose vhasingarabhiri ufananijo wetshikara vhavhulawe. ¹⁶ Tshinokombejera vhose, vhatukutuku na vhakugwane, vhafumi navhalombo,vhakasunhunguka navhaland, kuti vhapiwe tshisumbijo muluvhoko gwavho goludli kana pamaza. ¹⁷ Kuti kulege kuvha nounhu unokona kutenga nokutengesa asi iye unetshisumbijo,iro izina letshivhanda kana netshivhanda tshezina latsho. ¹⁸ Ndipopane kuthanya.Unozivha ngaavhale tshivhanda tshetshi vhanda, nokuti tshivhalo nditshe unhu.Tshivhalo tshahone i 666.