¹ Zwino kumakole kukavhoneka tshisumbijo tshikugwane hetshi: Ukaji wanga aka simira zuvha, mweji uli pasi pesoka jije napanyezulu pape korona inenyereji jine gumi nembiri. ² Iye anga ane tumbu, akadavhijira paku beba kuke, atshitambula paku beba. ³ Yapo kumakole kukavhoneka imwe sumbijo iyi: Talira! Sato hugwane tsuku ine misolo mishanu na mivhiri nenyanga, jegumi napa misolo yayo korona shanu na mbiri. ⁴ Mwise wayo waka kokoja tshetatu tshenyereji jokumakole nokkuji kandira pasi panyika.Sato iyo ikamira panda poukaji anga abeba, kuti ipalaje mwana kana abehwa. ⁵ Waka beba mwana, woutukana, utshalisa maluji ose neswimbo yedale mwana uwe nokutogwa kuna Mwali nokutshigalo tshitshe tshovhushe, ⁶ ukaji waka tizira mubani, paakagajirigwa bhulege na Mwali, kuti utshengeterepo mazuvha tshulu tshine mazana mavhiri namashanu nalimwe. ⁷ Zwino kugwa kukavhapo kumakole.Mikaeri navha tumwa vhavhe vhakagwa nesato, sato ikagwa na vhatumwa vhayo. ⁸ Asi vhaka komwa kukunda neswimbo yavho. Hayina kuhowaniwa kuma kole. ⁹ Zwino sato hugwane yaka kandiwa pasi iyo nyoka yakala inohwi Satani, unyenge jeri wenyika navha tumwa vhapo vhaka kandiwa pasi pamwepeji nayo. ¹⁰ Ndikahwa ihwi gugwane kumakole litshiti: "Zwino luponeso gwaswika wedu, novhumambo hwa Khiristu uwe.Nokuti upomeriwe hama jedu wakakandigwa pasi, wakavhapomera panda pa Mwali wedu masikati novhusiku. ¹¹ Ivho vhaka ukunda nelopa legwayi vhuye ne bungo loku pupula kavho, havhana kuda vhupenyu hwavho kuswikira palufu. ¹² Saka falani, kumakole nemwi munogalako! Asi mune nhamo imwi nyika navhano gala panyika negugwa,nokuti mwiya wakaipa wakajikita kamuli! Waka tshamwa tshayiko nokuti unozivha kuti utshambovha netshikati tshituku! ¹³ Sato yakati yavhona kuti yakandigwa pasi panyika, ikatambula ukaji uka beba mwana wou tukana. ¹⁴ Asi yapo ukaji wakapiwa mapapiro mavhiri egondo gugwane kuti afhufhe mubani.Kubhulege iye kaayitshengetegwa tshikati, netshimwe tshikhati, nehafu ye tshikhati kasinga vhonekwi nenyoka. ¹⁵ Yapo nyoka yakabudisa vula mulomo mayo yakayeta segwizi sule koukaji kuti akumbiwe negwizi. ¹⁶ Yapo nyika yakatusa ukaji.Nyika ikamangala ulomo wayo ikaminya gwizi gukabudisiwa nesato muulomo wayo. ¹⁷ Zwino sato ikatshamwira ukaji ikayenda kundogwa navhamwe vhana vhavhe, vhano tshengeta mitemo ya Mwali navhano bata kupupula ka Jeso. ¹⁸ Zwino sato ikamira kautavha wegugwa.