¹ Zwino ndakapiwa lusanga gwakayeta soudozwo.Utumwa akati, "Muluka uyerese gereke yaMwali nearitari,navhana rabhira mayiri. ² Asi siya luvhaze guli kuze kegereke, usaluyesera, nokuti gwaka piwa vhaJentili.Vhatsha tshika dorobho tswene mweji ine makumi mana nami vhiri. ³ Nditshapa thanzi jangu mbiri simba kuti jiporotite jaka simira masaga, mazuvha 1,260." ⁴ Avha ndiyo miolivi mivhiri nemapfiwa ezwilayiti zwimire panda ka Ishe wenyika. ⁵ Kana kunounhu unoda kuvhakuvhaja, moto utshabuda mumilomo yavho utshi palaja vhavhengi vhavho, kana kuno unhu unoda kuvha kuvhaja.Unofanira kuvhulawa sayezwo. ⁶ Vhane simba loku vala nyezulu kuti vula ilege kuna namazuvha okuporofita kavho.Vhane simba panyezulu pevula kuti vhasandule ivhe lopa nokulovha nyika namatambujiko ose netshikhati tshose tshavhanoda. ⁷ Kana vhapeja kupupula kavho, tshikara tshino kwira tshitshibva mugomba laka jika jika tshitshagwa navho.Tshitshivha kunda nokuvhavhulaya.. ⁸ Mitumbu yavho itshalasiwa pazira jomu dhirobho gugwane linohwi nezina (lino fananijiwa Sodhoma ne Jipita) paka lovhegwa vho Ishe wavho patshi pambano. ⁹ Vhanobva kuvhanhu, namaluji nendimi, nemaluji, vhatshavhona mitumbi yavho mazuvha matatu nehafu.Vhasingatenderi kuti ivhigwe mutshi vhundo. ¹⁰ Navhano gala panyika vhatshafala nokupembera panyezulu pavho vhatshitumirana zwipo nokuti vhaporofita avho vhavhiri.Vhaka tambuja avho vhano gala panyika. ¹¹ Zwino mazuvha matatu nehafu akati apinda mwiya wovhupenyu wakabva kuna Mwali uka pinda mukati mavho, wakamira nesoka javho.Kuhla kukugwane kuka wira vhose vhaka vhavhona. ¹² Yapo vhakahwa ihwi gulu linobva kumakole litshiti kavhali, "Kwirani ngeno!"Vhakakwira kumakole negole, vhavhengi vhavho vhaka vhavhona. ¹³ Zwino netshikhati yetsho kudengenyeka kenyika kukavhapo tshegumi tshenyika tshika pwasikira pasi. Navhanhu vhane zwulu zwishanu nazwivhiri vhaka vhulawa nokudengenyeka, vhakasala vhakahla vhakalumbija Mwali wokumakole. ¹⁴ Nhamo yavhuvhiri yakapinda.Talira! Nhamo yetshitatu ino tavhanya kuswika. ¹⁵ Zwino utumwa wetshishanu nambiri wakalija hwamanda, mahwi makugwane akavhapo kumakole atshiti, "Vhushe hwenyika hwavha hwa Ishe wedu, na Khiristu uwe, utshahwubata nokusinga peri peri." ¹⁶ Yapo vhakugwane vhana makumi mavhiri navhana, vhanogala pazwigalo zwavho zwovhushe panda ka Mwali, vhaka wira pasi nezwiso zwavho vhaka rabhira Mwali. ¹⁷ Vhatshiti, "Tino muvhonga imwi, Ishe Mwali Wamasimba, ulipo wanga alipo, noutshahovhapo nokuti makatola simba lenu gugwane mukabata vhushe. ¹⁸ Maluji aka tshamwa, nokuhla kenu kakaswika.Netshikhathi tshevha kafa kuti vhatongwe vhuye kuti mupe vhalanda vhenu ubayiro ivho vha porofita navhatswene navha nohla zina lenu, vhatuku navhakugwane vhuye kuti mupalaje avho vhano palaja nyika." ¹⁹ Yapo gereke ya Mwali iri kumakole yaka vugwa areka yesungano ikavhoneka mugereke.Iye yapo pakavha noupenyo,namahwi, nokuthinhira, nokudengenyeka kenyika, netshivula mahwe tshikugwane.