¹ Zwino zwatinotusana naye, tino kumbira zwikugwane kuti mulege kusangamija makombolero aMwali pasina. ² Nokuti iye unoti,"Ndaka khwa iwe, netshikhathi tshaka fanira ndika kutusa pazuvha lokupijiwa."Talirani zwino tshikhathi tshaka fanira.Talayi, zwino ndiro zuvha loku pijiwa. ³ Handitshamwisi vhamwe netshinhu,kuti kushumira kedu kulege kuzojiwa. ⁴ Asi, pazwinhu zwose tino zwisumbija sevha shumiri vhamwali paku kozerera kukugwane,panhano,kana pakukonwa, pama tambujiko, ⁵ pakulohwa,pakusungwa, pakugwisanisa pamabasa,pakusavhata, pakuzwinyima zwokudla, ⁶ pakutshena moyo, paluzivho,pakukozerera,pavhunyolo,pamwiya utswene,nepaludo gusinga nyengeri, ⁷ pahwi lovhukuma, pasimba laMwali, nenhumbi jokugwa, jaka lulama, kuludli nokulumose. ⁸ Tiri vhashumiri vha Mwali mumwiya,kukujiwa,nokusakujiwa, nenguwi yakayipa nenguwi yakanaka, savhatshutshuji asitiri vheshuwa; ⁹ sevhasinga zikanwi, asi titshizikanwa; zwedu zwikugwane sevhanofa, asi talira, tiri vhapenyu; zwedu sevhanolangiwa tisinga vhulayiwi zwedu; ¹⁰ sevhano lira,asi titshagala titshifala zwedu; sevha sina tshinhu, asi tinazwo zwose zwedu. ¹¹ Takalevhereka shuwa yose kamuli, vha Korinte, mimoyo yedu yakavulika. ¹² Hamumanikijiwi katiri, asi muno manikijiwa mumoyo yenu. ¹³ Zwino mukuhla tshitshanisani- ndinolevhera ka sakune vhanana-mukuje nemwivho. ¹⁴ Musongo sungwa zwisina kufanira pa joko pamwepeji nevhasinga tendi.Nokuti kululama kungavha novhu kama tshayihwo nokusa lulama?Tshiyeja tshinga fanana seni ne swiswi? ¹⁵ Khirisito anga hwanana seni na Bheriyari?Unotenda ungavha noukovhe weni usinga tendi? ¹⁶ Gereke ya Mwali inga tenderana seni nemi fananijo?Nokuti isu tiri gereke ya Mwali upenyu, Mwali sezwakalevha atshiti:"Ndatshagala mukati mavho nokuenda mukati mavho.Nditshavha Mwali wavho,ivho vhatshavha vhanhu vhangu." ¹⁷ Saka,"Budani pakati pavho, muzwilevhulule,"ndizwo zwino levha Ishe."Musa batatshinhu tshine swina,imi nditshamusanganija. ¹⁸ Nditshavha Bhabha vhenu,nemwi mutshavha vhana tukana nevhana sikana vhangu,"ndizwo zwino levha Ishe unesimba lose.