¹ Nokuti tinozivha kuti kana ngumba yedu yenyika tabhemakeri yedu itshiputshiwa, tinetshakavhakwa tshinobva kuna Mwali. Ngumba isina kuvhakwa namavhoko, asi isingaperi iri kumakole. ² Nokuti tinogomera vho mayiri, titshapanga kuti tifukijeni nengumba yedu inobva kumakole. ³ Kuti kana takafukijiwa zwedu hatingawaniki tisina tshatikafuka. ⁴ Nokuti nesu tiri mutebhamakeri,tinogaka titshigomera, titshilemegwa.Tisingadi kuti tikutule. Asi, kuti tifukije, kuti tshinofa tshiriwe novhupenyu. ⁵ Zwino uyo wakatigalirira tshinhu itshi ndi Mwali, ukati thusa ne mwiya uwe. ⁶ Nayezwo tinosunga moyo tshikathi tshose,titshhizwivha kuti kana titshigala muumbiri, hatigali kuna Ishe. ⁷ Nokuti tinoyenda nokutenda, hatiendi nokuvhona. ⁸ Tinokozerera moyo vho titshiti ikwine tilege kugala paumbili kuti tigale kuna Ishe. ⁹ Saka tinokozerera kuti tiufaje iye, tshero titshigalamo tshero tisingagalimo, tshatinoda kuwufaja. ¹⁰ Nokuti isu tose tinofanira kusumbijiwa panda ketshigalo tshokutonga tsha Khirisito, kuti umwe nomwe apiwe zwakayeta noumbiri, sezwaakayeta kana zwakanaka kana zwakaipa. ¹¹ Nayezwo, zwatinozivha kuhla ka Ishe, tinokombejera vhanhu.Asi tinosumbijiwa zwedu kuna Mwali, hati zwino ndinoti dleni titshisumbijiwa vho pamoyo penu. ¹² Hatizwilumbiji kana kamuli, asi tinomupa zira yokumutenda nokuda kedu, kuti mukone kupindula avho vhanovhimba nazwinovhoneka vhasinga vhimbi nezwemoyo. ¹³ Nokuti kana titshipenga, tikadlalo nokuda ka Mwali; kana tiri vhanhu kavho,tikadlalo nokuda kenu. ¹⁴ Nokuti ludo gwa Khirisito gunotikombejera, zwatinozivha tshinhu itshi: kuti umwe ukafira vhose, zwino vhose vhakafa. ¹⁵ Zwino iye wakafira vhose, kuti avho vhanopira vhalege kuzwipirisa ivho asi uyo wakafa nokumusiwa nokuda kavho. ¹⁶ Nayezwo,kubva iyezwino hatitangozivha unhu panyama, hati kana tikazivha Khirisito panyama.Asi kubva iyezwino hatitshawuzivha sayezwo. ¹⁷ Saka, kana unhu ali muna Khirisito, wavha tshisikwa tshitswa.Zwinhu zwakale zwapinda, Talirani,zwose zwavha zwitswa. ¹⁸ Asi zwinhu zwose zwakabva kuna Mwali.Wakatisanganisa naye na Khirisito akatipa kushumira kokusanganisa. ¹⁹ Ndiko kuti Mwali wanga atshisanganisa nyika naye, muna Khirisito akasavhavhalira kupinda kavho.Akatipa isu ihwi lokusanganisa. ²⁰ Nayezwo tiri vhatumwi nokuda ka Khirisito, Mwali saanenge atshikumbira zwikugwane nesu.Tinokumbira, nokuda ka Khirisito:"Titshiti sanganisiwani na Mwali!" ²¹ Uyo wanga asingazivhi zwivhi ukauyeta kuti avhe ne zwivhi nokuda kedu kuti isu tivhe nokunaka ka Mwali ne kaali.