¹ Saka ,zwatinako kushumira,uku pakahwigwa shemu, napo hatinyali. ² Asi,takalamba zwinhu zwakajumbama zwinoshonisa.Hatiyendi nokutshutshuja, tisingavhipisi ihwi la Mwali,asi titshi sumbija shuwa, tinozwitendisa kuhama javhanhu vhose phanda ka Mwali. ³ zwino kana vangeri yedu ikafukijiwa,yafukijiwa kunavhanolasika. ⁴ Kunavhasingatendi,vhakapofujiwa fungwa na mwali we nyika ino. Kuti vhalege,kuvonekegwa netshiyeja tshe vangeri yekupenya ka Khiristo, ufananijo wa Mwali. ⁵ Nokuti hatizwipaliji isu, asi Khiristo Jeso kuti ndiye Ishe, nesu kuti tirivhalanda vhennnnnnu nokuda ka Jeso'. ⁶ Nokuti Mwali wakalevha kuti,"Tshiyeja tshibude paswiswi."Ndiye ukavonekera moyo yedu,kuti atipe tshiyeja tshokuzivha kupenya ka Mwali kunovhoneka patshiso tsha Jeso Khiristo. ⁷ Asi fuma tinayo mumijiyo yedu, kuti vhukugwane hwesimba huvhe hwa Mwali hulege kuvha hwedu. ⁸ Tinotambula pamatungo ose, asi hatikombejegwi. Linokakisiwa asi hatina kulasa moyo. ⁹ Tinotambujiwa asi hatina kusiyiwa;takahwisigwa pasi asi hatina kupalala; ¹⁰ tinolamba titshihxwala tshikhathi tshose muwumbiri wedu kufa ka Jeso, kuti novhupenyu vho hwa Jeso husumbije mumimbiri yedu. ¹¹ Nokuti isuvhapenyu tinogala titshingo yesiwa pakafa nokuda ka Jeso', kuti novhupenyuvho hwa Jeso husumbije munyama yedu inofa. ¹² Nayezwo kufa kunobata matiri, asi vhupenyu hunobata mamuli. ¹³ Zwino zwatine mwiya iyoyu wokutenda sezwazwaka nwagwa:"Ndakatenda, saka ndakalevhereka."Nesuvho tinotenda,saka tinolevhereka vho, ¹⁴ nokuti tinozivha kuti iye ukumusa Ishe Jeso utshati musavho isu pamwepeji nemwi. ¹⁵ Nokuti zwinhu zwose zwiyehwa nokuda kenu kuti makombolero akanjiwa kuti awanje kuvhongwa kuti Mwali akujiwe. ¹⁶ Saka hatinyali . Asi tshero unhu wedu wakuze atshipera izwe, unhu womuukati hunotshinja zuvha limwe ne limwe. ¹⁷ Nokuti kutambujika kudu, kakaleruka kulipo tshikhathi tshituku kunotiyetera kupenya kukugwane kukanaka kusingaperi. ¹⁸ Tisingataliri zwinovhoneka,asi zwisingavhoneki nokuti zwinovhoneka.Zwinopinda asi zwisingavhoneki ndizwokusingaperi.