¹ Zwino, vhanodiwa, zwatine zwipikigwa izwi, ngati zwitshenise pamaswina ose enyama nomwiya. Tikwanise vhutswene pakuhla Mwali. ² Mutivulire moyo yenu! Hatina kuyetera unhu zwisakalulama. Hatina kukakira unhu kana kutshutshuja unhu. ³ Handilevhi hezwi kuti ndimupe mhaka. Nokuti ndambolevha kuti imwi muli mumoyo medu, kuti tife nokulalama pamwepeji nemwi. ⁴ Kusahla kangu kukulu pakulevha kamuli, nokuzwilumbija kangu kukugwane panhezulu penu.Ndizere nokunyalajiwa. Ndinofala bhati pakutambujika kedu kose. ⁵ Nokuti takati taswika Makhedonia, mimbiri yedu haina kuzolola. Asi, takatambula pamatungo ose kuze kanga kunokukakavhala mukati manga munokuhla. ⁶ Asi Mwali, unonyalaja vhakavhola moyo, wakatinyalaja nokuswika ka Tito. ⁷ Handiti nokuswika kuke Mwali oga asi nokunyalajiwa kaakalajiwa nako Titios panyezulu penu. Atshitivhuja zwekuthama kenu, nokulira kenu, nokukozerera kenu panhezulu pangu. Saka ndakanyanya kufala. ⁸ Nokuti nhangwe ndakakulija nemarifi angu, handizwidi moyo.Asi nhhangwe ndakavha nditshizwidla moyo zwangu, ndinovhona kuti vhurifi uhu hwaka kulija, asi tshaka vha tshiri tshikati tshituku zwatsho. ⁹ Nokuti zwino ndafala, kusi kufalira zwamaka sungupajiwa, kokuyesiwa mukutendevhuka. Nokuti maka sungupajiwa sezwinoda Mwali, kuti mulege kulasikigwa netshinhu nokuda kedu. ¹⁰ Nokuti kulira sezwinoda Mwali kunovhuyisa kutendevhuka.Kuno yesa kukupija usinga zwidli moyo, asi kulira kenyika kunovhuyisa lufu. ¹¹ Nokuti talirani kuti tshinhu itsho tshokuti makalijiwa sezwinoda Mwali tshakavhuyisa mukati menu. Kukozerera kukugwane seni nokuzwidavhirira, nokutshamwa, nokudla, netshishuvho, nokugwaja moyo nokujosera pazwinhu zwose makazwisumbija! kuti makatshena patshinhu itshi. ¹² Zwino kana ndaka munwalira, handina kuzwi eta nokuda kaiye waka eta zwisina kunaka, kana nokuda kaiye ukayetegwa zwisina kunaka, asi kuti kujungayirankenu nokuda kedu kuvhoneke nemwi vhene vhazwo panda ka Mwali. ¹³ Nemhaka iyi isu tinonyalajiwa. Zwino pakunyalajiwa kedu, takafala zwikugwane vhukuma panhezulu poufalo wa Tito, nokuti mwiya uwe wakakwatisiwa nemwi mose. ¹⁴ Nokuti kana ndakazwilumbija netshinhu kaali panhezulu penu, handina kushonisiwa. Asi sezwataka levha kamuli, zwose nezwovhukuma sayezwovho kuzwikuja kedu phanda ka Tito kuka vhoneka kuti ndikovhukuma. ¹⁵ Nemoyo uwe zwino manga manda wogala uli kamuli kana atshifunga kuyingira kenu mose, kama kawusangamija nako nokuhla nokutetemera. ¹⁶ Ndinofala nokuti pazwinhu zwose ndingakutenda.