¹ Ndinofanira zwangu nokuzwikuja, tshero zwisina kunaka.Asi nditshaswika pazwisumbijo nezwaka vugwa zwa Ishe. ² Ndinozwizivha unhuuli muna Khirisito avhamakole anegumi namanna-apinda kana zwakaehwa mumbili kana kuzekoumbiri,handizivhi,Mwali unozivha-unhu wakadlali waakakwija kumakole neletshitatu. ³ Futhi ndinozwizivha unhu-wakadlali kana zwakaetiwa muumbiri,kana kuzekoumbiri, handizivhi, Mwali ndiye unozivha- ⁴ kuti wakakwijiwa muparadiso akahwa mamhungo asingalevheki haana kutendegwa unhu kuti alevhe. ⁵ Panezulu pounhu wakadlali nditshazwilumbija.Asi panezulu pangu handizwilumbiji, asi panezulu povhutera hwangu hwoga. ⁶ Nokuti kana nditshida kuzwilumbija,handingavhi benji, nokuti nditshalevha vhutanzi.Asi handizwilumbiji,kuti kulege kuvha nounhu ungati ndiri ukugwane panezwaakavhona kana zwaakahwa kandiri. ⁷ Nayezwo kuti imi ndilege kungyanya kuzwikuja nokuda kovhukugwane hwezwakandivulira ndakapiwa mihwa munyama yangu, utumwa wa Satani andilovhe-kuti ndilege kunyanya kuzwikuja. ⁸ Panezulu payetsho tshinhu ndakakumbira kuna Ishe zwikugwane katata, kuti tshibve kandiri. ⁹ Iye wakati kandiri,"Makombolelo angu anakulingana,nokuti simba langu linozajisika pavhutera huho."Nayezwo zwirikwine kuti ndizwilumbije noufalo ukugwane novhutera hwangu, kuti simba la Khirisito ligale panezulu pangu. ¹⁰ Nayezwo ndinofala novhutera,nokunyaja nokukomwa,nokutambujika,nenhamo nokuda ka Khirisito nokuti kana ndine vhutera,iyapo ndinesimba. ¹¹ Ndavha benji imi! Mondikombejera, nokuti imi ndaifanira kulumbijiwa nemwi.Nokuti handiri utuku utukutuku napatuku pavhapositola, vhano pinda vhose nyange ndisi tshinhu. ¹² Nayezwo zwisumbijo zwamapositola zwakaetiwa pakati kenu nokukozerera kukugwane, nezwisumbijo nezwikahlamajo namabasa esimba. ¹³ Nokuti makapindiwa seni nejimwe gereke,asi pakuti imi handina kumulemekeja?Mundikangamwireni zwenu kusalulama hoku! ¹⁴ Talirani !Itshi nditsho tshikathi tshetshitatu.Yandazwigajirira kuvhuya kamuli, handingameji nokuti handitswaki zwinhu.Asi ndinotswaka imwi.Nokuti vhana havhafaniri kutshengetera vhabebi.Asi, vhabebi vhanofanira kutshengeta vhana. ¹⁵ Nokuti ndingafala zwikugwane kupeja zwose zwangu nokupejiwa imi nokuda kemwiya wenu.Kana imi nditshimuda zwikugwane, imi ndodiwa zwisoma naa? ¹⁶ Zwino ngazwivhe sayezwo, zwazwo imi handina kumulemeja.Asi zwandanga ndine fungwa, ndakamubata namano. ¹⁷ Ndamutolera tshinhu naa noumwepeji wayavho wandakatuma kamuli? ¹⁸ Ndakalajira Tito ndikatuma hama iya naiye, saka Tito wakamutolera tshinhu naa?Hatina kuenda nemwiya umwepeji naa? ¹⁹ Tshikhathi tshose manga mutshiti tinozwitendera kamuli naa?Tinolevhereka papanda paMwali muna Khirisito , asi tinolevha hezwi zwose vhadikani kuti mukwatisiwe. ²⁰ Nokuti ndinowa kuti zwimwe kana ndoswika nditshamuwana musina kueta sezwandinoda.Nemi ndingawaniwa nemwi ndikaeta zwamusingadi.Zwimwe mulipo negakavha, negodo, nokutshamwa, nokukhuthana, nokutshanana, namakuhwa, namanyawi, nenyonganiso. ²¹ Kuti kana nditshiswikakako, Mwali wangu alege kundininipisa papanda penu.Ndilire panhezulu pavhanji vhavho vhanotshinya vhasina kutendevhuka paswina yavho, novhupombwe, novhutere hwavhakaeta.