¹ Dleni mutshiyetera moyo ulefu nyana pavhupenji hwangu.Asi munondiyetera zwenu moyo ulefu! ² Nokuti ndine godo nemwi.Negodo la mwali, kuti nakamuwanisa noulume umwepeji.Kuti ndikuyese kuna Khirisito seusikana wakatshena. ³ Asi ndinodla,senyoka yakanyengeja Eva namano ayo,nayezwi mifungo yenu ngayiswibisiwe jipamuke pakululama nokutshena komoyo kuli kuna Khirisito. ⁴ Nokuti kana umwe atshivhuya unopalija umwe Jeso tisina kumbopalija isu.Kana zwimwe mutshisangamija mumwe mweya wa musanhu mambosangamija kana imwe evangeri.Kana imwe evangeri yamusina kumbotenda zwino moyetere moyo ulefu! ⁵ Nokuti ndinoti handizivhi utuku napatukutuku kuvhapositola vhanopinda vhamwe vhose. ⁶ Zwino tshero ndisinganasi pakalevhereka,handina kudlalo pakuzivha.Asi pazwinhu zwose takasumbijiwa iyezwo kamuli panda pavhose. ⁷ Ndakakhakha nah?Zwandazwijikitisa kuti imwi mukujiwe zwandakamupalijira evangeri ya Mwali kamuli. ⁸ Jinwe gereke ndakajitolera nditshilevha ubayiro kuti ndimupalijire imwi. ⁹ Zwandanga ndinemwi patshikathi tshandanga ndiri kamuli, nditshikomwa handina kulemeja vhanhu nokuti zwandakakonwa ndakapiwa nehama jakabva Makadhonia.Pazwinhu zwose ndakatshetanya kuti ndilege kumulemeja vhuye nditshilamba nditshithanya. ¹⁰ Sezwo shuwa ya Khirisito iri mandiri,hakuna unhu ungandikonesa kuzwilumbija kunyika je Achaia. ¹¹ Seni? Nokuti handimudi nah? Mwali vhanozivha. ¹² Asi tshinhu hetshi tshandinoyeta, ndinotshiteta kuti ndikonwese zira havho vhanotswaka zira kuti vhawanike vhakayeta sesu pazwinhu iyezwo zwavhanozwilumbija nazwo. ¹³ Nokuti vhakadlalo vhaapositola vhemanyepo vhonobata zinyekenyeke.Vhano zwisandula vhatshizwiyeta vhapositola vha Khirisito. ¹⁴ Izwi hazwimangaji,tshero Satani unozwiyeta vhatumwa vhetshiyeja. ¹⁵ Naiyezwo hasi tshinhu tshikugwane kana vhashumi vhavhe vhatshisandula vhatshizwiyetasavhashumi vhokululama.Kuguma kavho kutshavha sezwavhakabata. ¹⁶ Ndinoti futi:Ngapalege kuvha anofunga kuti ndiri tshidahera.Asi kana mutshiyeta,ndisangamijeni setshidahera kuti ndikozwikuja zwituku. ¹⁷ Zwandingalevha nekuzwikuja-handilevhi semalevhero atshayeta Ishe-Ndinolevha setshidahera. ¹⁸ Sezwo vhanhu vhanji vhatshizwikuja nekuda kenyama, nemi nditshizwikuja. ¹⁹ Nokuti munoyetera mapenji.Moyo ulefu noufalo imwi muli vhakathanya! ²⁰ Nokuti munoyeta nomoyo ulefu kana unhu atshimuyeta vhalanda, kana atshimupalaja, kana atshimutambuja,kana atshizwikuja,kana atshimulovha kumeso. ²¹ Ndinolevha nditshizwisola nditshiti tanga tisina simba.Zwino kana kunounhu unokozerera-ndinolevhereka setshidahera-imwivho nditshakozerera. ²² Vha Hebhero nah?Zwino nemwivho.Vha Isirayeri?Zwino nevho.Vhana vha Abrahama nah?Zwino nemivho. ²³ Vhashumira vha Khirisito?(Ndinolevha sounhu unopenga)Zwikulu imi: pamabasa ndinovhapinda pakusungwa mujere,ndinovhapinda pakulohwa zwikulukulu,palufu kunji. ²⁴ Kubva kuvha Judah nda lohwa lushanu"samhu jinamakumi matatu shanu na na." ²⁵ Lutatu ndakalohwa nethonga.Pamwe ndakatakwa namahwe.Vhutatu ndakawigwa netshikepe.Ndakapeja vhusiku namasikati ndayingovha mugungwa. ²⁶ Kanji pagwendo, panjoji jovhuluji gwangu,panjonji njavhehedheni,panjonji muguta,panjoji mubani,panjoji mugungwa,panjoji pakati pehama jemanyepo. ²⁷ Pakubata napakutambula,pakusavhata kakawanda,pazala nenyota, pakuzwinyima zwokudla,pamhepo nokukonwa zwokufuka. ²⁸ Kuze kayiyezwo, ndinolemegwa zuvha limwe nelimwe nokulangalira ngereke jose. ²⁹ Ndiyani usina nhungo, nemi ndisingavhi nenhungo?Ndiyani kutshamisiwa,nemi ndisingatswi? ³⁰ Kana ndikazwikuja,ndikazwikuja nezwo vhusimbe hwangu. ³¹ Mwali Bhabha vha Ishe Jeso ,unokujiwa nokusingaperi,unozivha kuti handilevha manyepo! ³² Pa Dhamasika,ubati pasi pamambo Areta wakalinda dhorobho lavha Dhamasika atshitswaka kundisunga. ³³ Asi ndakaposiwa mudengu napa hwindo paguda, ndikapunyuka mumavhoko awe.