¹ Imi,Paulo,ndinokumbira zwikugwane kamuli novhunyolo novhusiwana hwa Khirisito. Imi utuku kana ndiripakati panu,asi ndokozerera kamuli kana ndisipo. ² Ndinokumbira kamuli kuti kanandavhapo,ndilege kuhokozerera nokutenda kandinoti zwino nditshakozerera nako, kuna vhamwe vhanoti tinoyenda nezira yenyama. ³ Nangwe zwedu titshiyenda nezira yenyama,hatigwi nezwiyeto zwenyama. ⁴ Nokuti nhumbi jedu jokugwa najo hajenyama.Asi, jinesimba panda pa Mwali loputsha gakavha.Vhanotipa ma gementsi pasina. ⁵ Isu tinowisira pasi mufungo yose ya Khiristo.Isina basa nezwose zwinizwikuja zwitshipambana noluzivho gwa Mwali. ⁶ Takazwigajira kujosa kusaingira kose, kana kuingira kenu kuzajisiwe. ⁷ Imwi munotalira zwinhu zwiri panda.Kana unhu atshithemba kuti ndiri wa Khiristo,naiye ngahazivhe kuti nesuvho tirivha Khiristo, saiye. ⁸ Nokuti tshero ndayinyanya kuzwikuja panezulu pesimba ledu, latakapiwa Ishe kukwatisa lisilokuputsha, handinga shonisiwi. ⁹ Kuti ndilege kuyeta sandinomuhlisa nolunwalo gwangu. ¹⁰ Nokuti vhanhu vhanoti, "Manwalo awe ane mamhungo makugwane anesimba, asi umbiri uwe kana alipo unenge akanyala nokulevhereka kuke kunoswenhiwa." ¹¹ Unhu wakadlalo ngaazivhe iyezwo zwatinolevha titshinwala lunwalo zwitshambo vha iyezwiya zwatitshaeta tinemwiyoko. ¹² Nokuti tinohla kuzwiezanisa nokuzwifananija navhamwe vhozwikuja .Asi ivhohavhana fungwa zwavhonozwiezanisa naivho vhamene, nokuzwifananija naivho vhamwene. ¹³ Asi, nayezwo, hatingazwikuji titshipinda tshipimo .Asi, netshipimo tshinozwika patshipimo tshatakovhegwa na Mwali, kuti tshivhe tshikalo tshiswikevho kamuli. ¹⁴ Nokuti hatinyanyi kuzwitambunuja sezwatisinga swikiri kamuli nokuti ndisu takatanya kuswikirira kamuli ne vangeri ya Khiristo. ¹⁵ Hatizwikuji titshipinda tshipimo panyezulu pabasa lavhamwa.Asi, tinetalisiro yokuti kana kutenda kedu kutshikula, isu titshakujiwa pakati penu kuswikira patshipimo tshedu kupindirija, ¹⁶ tikopalija vangeri panyika jiri panda kenu, tilege kuzwikuja patshipimo tshoumwe panezulu pezwatoehwa zwazwo. ¹⁷ "Asi unozwikuja, ngazwikuje muna Ishe." ¹⁸ Nokuti wakatendeka haye unozwikuji, asi ndiye unokujiwa na Mwali.