¹ Mazmur.Kantarenola eng kekantaren weru i wee si TUHAN, karengan Nisia si timuana mola em pasiwo-siwon – pasiwo-siwon e maka’erangen; kelawiran em pina’ayangola wia-Nisia e lawas lele’os-Na, e lawas-Na kudus. ² TUHAN si minapasine’u mola eng kelawiran e waki-Nisia, minapaloo’o-loo’o mola eng ka’adilan-Na witu en saruan em beren ne bangsa-bangsa. ³ Nisia si ghimenang e nupus o lale wo eng kelale’an-Na witu se kaum Israel, e reiy’ sa mina’asa tempokna em bumi e limoo’ mola eng kelawiran e waki si Empung ta. ⁴ Rumio-rio mouw i wee si TUHAN, heiy minapekasa em bumi, lumaya-laya’ mouw, merio-rio mouw wo memazmurola! ⁵ Memazmurola i wee si TUHAN ampit eng kecapi, ampit eng kecapi wo wo eng kekantaren menaleinteng, ⁶ ampit e nafiri wo en sesebungen menaleinteng merio-rio mouw witu en sinaru ni Raja, nyi’a i yi’i si TUHAN! ⁷ Ma’anouw e neder en tasik ma’an em pumpunena, eng kaoatan ma’an se maena’ witu eng goremna! ⁸ Ma’anouw en so’oso’an-so’oso’an en sumepe’ lawas, wo eng kuntung-kuntung merio-rio mewali-wali ⁹ witu en sinaru ni TUHAN karengan Nisia si mineiy kaa laa ma’akimela em bumi. Nisia si laa makimela eng kaoatan ampit eng ka’adilan, wo se bangsa-bangsa ampit eng kaulitan.