¹ Kantarenola eng kekantaren weru i wee si TUHAN, kumantarouw i wee si TUHAN heiy pakasa’an em bumi! ² Kumantarouw i wee si TUHAN, lo’orenouw e ngaran-Na, i abarola eng kelawiran e waki-Nisia waki nendo wo nendo. ³ I susuiyola eng kamulia’an-Na witu e nelet ne bangsa-bangsa wo em pasiwo-siwon – pasiwo-siwon-Na e maka’erangen witu e nelet ne reiy’ sa mina’asa suku bangsa. ⁴ Karengan si TUHAN si kasa wangko’ wo lino’or kasa, Nisia si lebe hebat ta’an se reiy’ sa mina’asa empung. ⁵ Karengan se reiy’ sa mina’asa empung ne bangsa-bangsa nyi’a mouw se reiy’ sisapa, ta’an si TUHANouw si simiwola e langit. ⁶ Kewangko’an wo en serengat em bitu en sinaru-Na, kaente’an wo eng kaormatan em bitu en tampa kudus-Na. ⁷ Wia si TUHAN, heiy suku-suku bangsa, wia si TUHAN i te eng kamulia’an wo eng kaente’an! ⁸ I wee mouw wia si TUHAN eng kamulia’an e ngaran-Na, mali mouw sesempe wo ghumoremouw witu em podol-Na! ⁹ Mongkotouw sumempe wia si TUHAN ampit e makalelo’orla eng kakudusan, tumenggo’ogho’ mouw witu en sinaru-Na heiy pakasa’an em bumi! ¹⁰ I lila’ mola witu e nelet ne bangsa-bangsa: “TUHAN i ti’i si Raja! E nulit taga’ eng kaoatan, e reiy’ moghe. Nisia si laa madilela se bangsa-bangsa witu eng kaulitan.” ¹¹ Ma’anouw e langit e mepa’a-pa’ar wo em bumi e merio-rio, ma’anouw e neder en tasik ma’an em pumpunena, ¹² ma’anouw mepa’a-pa’ar em padang wo e reiy’ sa mina’asa em bitu natasna, takar e reiy’ sa mina’asa e nakana waki talun e merio-rio. ¹³ witu en sinaru ni TUHAN, karengan Nisia si mineiy, karengan Nisia si mineiy kaa laa ma’akimela em bumi. Nisia si laa makimla eng kaoatan ampit eng ka’adilan, wo se bangsa-bangsa ampit eng kelale’an-Na.