¹ Meiy mouw kita merio-rio i wee si TUHAN, merio-rio i wee eng kuntung watu kelawiran ta. ² Ma’anouw kita sumaru eng gio-Na ampit eng kekantaren syukur, merio-rio i wee-Nisia ampit eng kekantaren mazmur. ³ Karengan si TUHAN nyi’a mouw si Empung e wangko’, wo si Raja e wangko’ minatasla se reiy’ sa mina’asa empung. ⁴ E weteng-weteng em bumi kasa rarem em bitu e lawas-Na, en toka eng kuntung-kuntung tu’u eng kapunya’an-Na. ⁵ Kapunya’an-Na en tasik, Nisia mouw si simiwola nyi’a, wo eng ketana’an, e lawas-Na mouw e minentukla nyi’a. ⁶ Ghumoremouw, meiy mouw kita mongkot sumempe, kumurur witu en sinaru ni TUHAN si simiwola nikita. ⁷ Karengan Nisia mouw si Empung ta, wo nikita mouw kita umat rerawiren-Na wo kawang ne domba pateperen e lawas-Na. ⁸ Te’a mouw pekeketenla e natemu tanu waki Meriba, tanu witu e nendo waki masa waki padang gurun, ⁹ witu e nedo se nene moyangmu mewa’awa’la Niaku, meuji Niaku, e nulitna nisea se limoo’ em pasiwo-siwong-Ku. ¹⁰ Epat nga pulu’ nge te’un Niaku masenso’ wia se angkatan i ti’i, takar em pokeiy-Ku: “Nisea se esa bangsa seip ate, wo nisea i ti’i se reiy’ makasine’u e lalan-Ku.” ¹¹ Kaa ni’itu Niaku ku timiwa’ witu e nupi’-Ku: “Nisea se reiy’ laa ghumorem waki tampa paena’ang-Ku.”