¹ Tou si rimuber witu en tinerungan Ni Kasarakek wo mapawengi witu en sinalangkouwan Ni Kasakuasa ² si laa lumila’ wia si TUHAN: “Tampa paterungangku wo rereen tetaangangku, si Empung, si pa’emanengkula.” ³ Nulit, Nisia mouw si laa mayami nikoo waki we’etes sesikop se wara, waki rumara menganup e wange. ⁴ Ampit en tetelew-Na Nisia si laa morongla nikoo, witu e wawa’ eng kale’ekew-Na koo laa tumerung, kelale’an-Na nyi’a mouw eng kekelung wo em pagher beton. ⁵ Nikoo koo reiy’ perlu meide’ witu eng kahebatan em bengi, witu em panah matelew witu e nedo oat, ⁶ witu rumara ne ko’oko’ e makelang witu e reiydem, witu e rumara menganup e merangu witu e nedo mawengindo. ⁷ Ma’anouw se esa nga riwu tou i kakolo’ witu esa nga wekamu, wo se esa nga mapulu’ nga riwu witu esa nga weka lele’osmu, ta’an e ni’itu e reiy’ laa tumoro nikoo. ⁸ Nikoo koo ma’ato i te nyi’a ampit em berennu nuesa wo lumoo’ en sesuli’an witu se tou-tou fasik. ⁹ Karengan si TUHAN nyi’a mouw si tampa paterungannu, Si Kasarakek si siniwomu mola tampa paterungannu, ¹⁰ eng kacilaka’an e reiy’ laa tumoro nikouw, wo eng katula e reiy’ laa tumawi wia en dasingmu; ¹¹ karengan se malaikat-malaikat-Na se laa perentan-Nala wia nikoo kaa laa tumayur nikoo waki e reiy’ sa mina’asa lalannu. ¹² Nisea se laa malar nikoo witu natas e lawasna, rio e ne’amu te’a i kasu’usu’ wia em batu. ¹³ Singa wo se leloiy’ item se laa ke’angannula, nikoo koo laa lume’ek sioki’ ni singa wo ni leloiy’ naga. ¹⁴ “Nulit, natena eng kimerut wia-Niaku, takar Niaku ku laa lumiseiyla nisia, Niaku ku laa mentenla nisia, karengan nisia si sumine’u e ngaran-Ku. ¹⁵ Sa sia maleiy wia-Niaku, Niaku ku laa mingkot, Niaku ku laa rumapitla nisia witu eng kase’esekan, Niaku ku laa lumiseiyla nisia wo mangko’la nisia. ¹⁶ Ampit em pinekelawir si laa-Ku wesunla sia, wo e laa-Ku i papa’atola wia nisia eng kelawiran waki-Niaku