¹ Mazmur. Kekantaren i wee e nendo Sabat. Nyi’a mouw e le’os kaa laa mekekantarla en syukur wia si TUHAN, wo kaa laa mekekantarla e mazmur i wee e ngaran-Nu, eeh Si Kasarakek, ² kaa laa ma’abarla e nupus lale’-Mu witu e nedo memo’odo wo eng kelale’an-Nu witu e nedo wengi, ³ ampit e legu-legu’an e mapulu’ tali wo ampit eng gambus, ampit em pateperen eng kecapi. ⁴ Karengan siniwo-Mu mola niaku mepa’a-pa’ar, eeh TUHAN, ampit em pepa’ayangen-Nu, karengan em pasiwo-siwon e lawas-Mu niaku ku laa merio-rio. ⁵ Kumura eng kewangko’na em pepa’ayangen-pepa’ayangen-Nu, eeh TUHAN, wo eng kasa keraremna en tetiro’an-tetiro’an-Nu. ⁶ Tou we’engel si reiy’ laa mamete’ula, wo sitou ba’abal si reiy’ laa makasiligh eng kapualitan i ti’i. ⁷ Sakawisa se tou-tou fasik sumuru tanu en tanemen-tanemen, wo se tou-tou se matuanala eng kalewo’an se sumena, nyi’a mouw rio sea punengela i wee eng keure-urena. ⁸ Ta’an Nikoo koo waki tampa kerakek i wee eng keure-urena, eeh TUHAN! ⁹ Karengan, eng kaulitna se kesaru-Mu, eeh TUHAN, karengan, eng kaulitna se kesaru-Mu se laa mapuneng, em baya ne tou se matuanala eng kalewo’an se laa i tabuke’isla. ¹⁰ Ta’an Nikoo koo rimakekla en sungeku tanu en sunge ni banteng, niaku ku tinoa’ala ampit e lana weru; ¹¹ em berenku matu’usla se kesaruku, en talingaku malinga en tanume se tou-tou lewo’ se timo’or mesaru niaku. ¹² Tou ulit se laa sumuru tanu nakana eng korma, se laa tumou sobor tanu e nakana aras waki Libanon; ¹³ nisea se neiy i tanem waki bait ni TUHAN se laa sumuru waki podol ni Empung ta. ¹⁵