¹ Mazmur ne bani Korah: e nesa kekantaren. Waki eng kuntung-kuntung kudus wawean eng kota em binangun-Nala: ² TUHAN si lebe meupusla em pepalen-pepalen leloangan en Sion ta’an i te e reiy’ sa mina’asa en tampa paena’an ni Yakub. ³ Kapualitan-kapualitan mulia linila’la en tanume Nikoo, eeh kota ni Empung. S e l a (maseng) ⁴ Niaku ku timotor si Rahab wo em Babel witu e nelet ne tou-tou se sumine’u Niaku, awes tare e Filistea, Tirus wo e Etiopia: “Nyi’i ni’i patoula maname.” ⁵ Ta’an en tanume en Sion neiy i lila’la: “Siesa tou demi siesa tou se neiy i patoula witu eng goremna,” wo Nisia, Si Kasarakek si malinto’orla nyi’a. ⁶ TUHAN si rimeken witu e nedo nu minatik se bangsa-bangsa: “Nyi’i ni’i patoula maname.” S e l a (maseng) ⁷ Wo se tou se manganta-ngantar kasuatan ma’engket merame-rame: “E reiy’ sa mina’asa eng kembu’angku em bitu eng goremmu.”