¹ Mazmur ni Asaf Empung si rimedeiy witu en sidang ilahi, witu e nelet em baya ne empung Sia si minakimla: ² “Pirape’ eng keure kasi kouw maakimla ampite e wengi’is wo ma’esa nga weka wia se tou fasik? S e l a (maseng) ³ Weeanouw ka’adilan wia se tou lewea’ wo wia se oki’ ula, rapitanouw eng hak ne tou peme’itan wo se tou reiy’ siawes! ⁴ I liseiyomi se tou lewea’ wo se miskin, i waya momi sea waki lawas ne tou fasik!” ⁵ Nisea se reiy’ mete’u wo reiy’ makasiligh sapa-sapa, witu eng kareiydeman sea makelang; i oghe mouw e reiy’ sa mina’asa en to’otolan em bumi. ⁶ Niaku nuesa ku minee mola nuwu’: “Nikouw nyi’a mouw si empung, wo oki-oki’ Ni Kasarakek nikouw nu waya. – ⁷ Ta’anouw en tanu sitou kouw laa mate wo en tanu si meta’esa’an pemangko’ kouw laa paten.” ⁸ Tumo’orouw eeh Empung, akimenola em bumi, karengan Nikoo mouw si makapunyala se reiy’ sa mina’asa bangsa.