¹ I wee si ma’aka-aka ne biduan. I ki’it e lagu: Gitit. Waki si Asaf. Merio-rio mouw i wee si Empung, si kaente’an ta, merio-rio mouw i wee si Empung ni Yakub. ² Mopo mouw lagu, i legu’ mola e rebana, kecapi maka’aruiyen, teperenla eng gambus. ³ Sengonouw en sesebungen witu en sumedot weru, witu en sumedot pakarenganan, witu e nendo wangko’ ta. ⁴ Karengan eng kapualitan i ti’i nyi’a mouw e nesa katataapan i wee se Israel, e nesa ukum waki si Empung ni Yakub. ⁵ Tanume e nesa ngenge’enge’ i wee si Yusuf neiy i tataap-Nala eng kapualitan i ti’i, witu e nedo Sia nu minaju mesaru en tana’ Mesir. Niaku ku liminga em baasa reiy’ kasine’uangku: ⁶ “Niaku ku minopo momi em pemesa’anen waki palukana, lawasna e neiy mouw i kewayami waki karanjang papesa’anan; ⁷ witu eng kase’esekan nikoo koo maaleiy, takar Niaku ku limiseiyi nikoo; Niaku ku miningkot nikoo witu eng kekirongan e lenter, Niaku ku minuji mola nikoo tawi e rano Meriba. S e l a (maseng) ⁸ Linganouw heiy umat-Ku, Niaku ku laa mengenge’enge’ wia nikoo; heiy Israel, sa koo pa’ar melelingala Niaku! ⁹ Te’a mouw wawean witu e neletmu empung walina, wo te’a mouw koo mesesempe wia si empung wo’oseiy. ¹⁰ Niaku mouw si TUHAN, Empungmu, si rimawiri nikoo rimou’mi waki tana’ Mesir: wuka’anouw en sumamu makapena-penar, takar Niaku ku laa sumiwola nyi’a mawuta. ¹¹ Ta’an se umat-Ku se reiy’ malingala en suara-Ku, wo se Israel se reiy’ pa’ar wia-Niaku. ¹² Kaa ni’itu Niaku ku minayala nisia witu eng kaketean e natena; ma’anouw sea kumelang maki’itla en tetiro’anna nuesa! ¹³ Sa wona’na se umat-Ku lumingala Niaku! Sa wona’na se Israel se tumou kumi’it e lalan neiy-Ku i tudu’la! ¹⁴ Eng katoroan e ni’itu i te kangkasi se kesaru nea se neiy i tu’utuke-Kula, wo witu em baya ne kesaru nea Niaku ku murikitla e lawas-Ku. ¹⁵ Tou-tou se mari’iris si TUHAN se laa tumu’utuk sumila’ wia-Nisia, wo ni’itu mouw e nasib nea i wee eng keure-urena. ¹⁶ Ta’an se umat-Ku se laa-Ku weean kumaan eng gandum kasa le’os wo ampit e madu waki kuntung watu Niaku ku laa makawesula nisea.”