¹ Mazmur ni Asaf. Oh Empung, se bangsa-bangsa walina se ghimoremomi witu eng gorem en tana’ kapunya’a-Nu, kimemo’la em bait kudus-Mu, simiwo e Yerusalem minamuali tinawunan e riberek. ² Nisea se mineela e mayat ne hamba-hamba-Mu tanume eng kekaanen wia se wara-wara waki reghe-reghesan, e le’ona ne tou-tou se i koupus-Mula wia se tekapen-tekapen siru wia em bumi. ³ Nisea se timoa’la e raa’ ne tou-tou i ti’i tanu en dano esa nga kaledong e Yerusalem, wo e reiy’la sikimuburla. ⁴ Nikeiy keiy minamuali weleiy i wee se ketana’-ketana’ meiy, minamuali pengutete-nguteteken wo pengoba-ngobangan i wee se tou-tou esa nga kaledong meiy. ⁵ Pirape’ eng keure kasi, eeh TUHAN, Koo meupi’ e mapawee-wena, wo e lo’ ate-Mu e memua-muaya tanu e napi? ⁶ I toa’ momi e nupi’-Mu witu natas ne bangsa-bangsa se reiy’ sumine’u Nikoo, witu natas eng keraja’an-keraja’an se reiy’ maaleiyla e ngaran-Nu; ⁷ karengan nisea se kimaanola mina’apu si Yakub, wo en tampa paena’anna eng kinemu neala. ⁸ Te’a mouw i pererekenla wia nikeiy eng kaselokan ne nene moyang meiy; satorona e rahmat-Mu e makarengan sumungkul nikeiy, karengan kasa mouw lewea’ nikeiy. ⁹ Tulungenouw nikeiy, eeh Empung lumelawir nikeiy, demi eng kamulia’an e ngaran-Nu! i waya momi keiy wo ampunganola en dosa meiy eng karengan e ngaran-Nu! ¹⁰ Ka’a se bangsa-bangsa walina se toro lumila’: “Wisa si Empung nea?” Ma’anouw witu en sinaru meiy se bangsa-bangsa walina se mamete’ula en sesuli’an witu e raa’ neiy i katoa’mi waki se hamba-hamba-Mu. ¹¹ Ma’anouw i ka’ayo waki sinaru-Mu e nga’angal ne tou se tinaang; minatoroan ampit eng kasela’an e lalupa-Mu, i waya mola matou-tou se tou-tou se neiy i tantula kaa se laa mate wunu’un! ¹² Wo i warengola witu natas em pinalar ne ketana’ meiy e makapitu lumepet e weleiy neiy mouw i papa eiymi wia-Nikoo, eeh Tuhan! ¹³ Takar nikeiy i yi’i, nu umat-Mu, wo kawang ne domba rerawiran-Nu, keiy laa mee syukur wia-Nikoo i wee eng keure-urena, wo laa mabarla em puji-pujian i wee-Nikoo see’ o see’.