¹ Kekantaren teturu’ ni Asaf. I ta’anola en talinga witu en teturu’ku, heiy bangsaku, i se’elengola en talingamu wia en tetotoren en sumaku. ² Niaku ku pa’ar mewewuka’ en suma mila’la e amsal, niaku ku pa’armetetotorla e mepepureiyan waki en zaman em purbakala. ³ E lininga meiy mola wo eng kete’uan neiy, wo neiy i susuiyla wia nikeiy ne nene moyang meiy, ⁴ nikeiy keiy reiy’ laa mekekirongla wia se oki-oki’ nea, ta’an nikeiy keiy laa sumusuiyla wia se angkatan eng kamurian em puji-pujian wia si TUHAN wo eng kaente’an-Na wo em pasiwo-siwon – pasiwo-siwon maka’erangen en tinuana-Na mola. ⁵ Neiy mouw i tataap-Nala e ngenge’enge waki si Yakub wo e nukum Taurat neiy i wee-Na waki Israel; nene moyang ta se pinerenta-Nala kaa laa mapasine’ula nyi’a wia seoki-oki’ nea, ⁶ rio sine’un ne angkatan eng kamurian, rio se oki-oki’, se laa i patou eeh sangari, tumo’or wo sumusuiyla nyi’a wia se oki-oki’ nea, ⁷ rio sea mee ka’emanan wia si Empung wo reiy’ lumiurla em pasiwo-siwon – pasiwo-siwon ni Empung, ta’an tumiboiy em perenta-perenta-Na; ⁸ wo te’a tanu se nene moyang nea, se angkatan masiwo e reiy’ lale’ wo rumerangu, angkatan se reiy’ tataap e natena wo e reiy’ lale’ e imukurna wia si Empung. ⁹ Bani Efraim, mememanah-mememanah se makasaliatan e lekep, se minurikit witu e nendo paseke’an; ¹⁰ nisea se reiy’ timiboiy witu en teta’aran ni Empung wo se reiy’ pa’ar tumou kumi’it en Taurat-Na. ¹¹ Nisea se limiurla em pepa’ayangen-pepa’ayangen-Na wo em pasiwo-siwon – pasiwo-siwon-Na e maka’erangen, e neiy mouw i papa’ato-Nala wia nisea. ¹² Witu en sinaru ne nene moyang nea en tinuana-Nala e maka’erangen-maka’erangen, waki tana’ Mesir, waki padang Zoan; ¹³ kinewe’-Na en tasik, i lewet-Nala sea; neiy i redeiy-Nala en dano tanume en seper, ¹⁴ rinawir-Na sea ampit e linaak witu e nedo oat, wo esa nga wengi ampit en terang e napi; ¹⁵ kinewe’na eng kuntung watu waki padang gurun, wineean-Na sea kumoo’ kelaker en dano tanu waki lawanan wangko’; ¹⁶ siniwo-Na em paso’oso’an en dano rimou’mi waki kentur watu, wo en siniwo-Na en dano timumpa tanu en so’oso’an. ¹⁷ Ta’an nisea se reiy’ maena-ena’ masiwo en dosa witu Nisia ampit e rimangu witu Si Kasarakek waki padang pera. ¹⁸ Nisea se mewa’awa’la si Empung witu e nate nea ampit e makiwee kekaanen maki’itla en serit nea. ¹⁹ Nisea se limila’ witu si Empung: “Makawoo ku’a re’en si Empung sumakeiyla en sesakeiy waki padang gurun? ²⁰ Memang, Nisia si minewe eng kuntung watu, i ka’ayo kimeresot rano wo en simongker en so’oso’an-so’oso’an; ta’an makawoo ku’a re’en Sia meela roti kangkasi, ka’apa sumadiala le’ona i wee se umat-Na? ²¹ Kaa ni’itu, eng katoroan nu liminga eng kapualitan i ti’i, TUHAN si kasa mineupi’, napi limayas timoro si Yakub, awes tare e nupi’ minuaya timoro e Israel, ²² karengan nisea se reiy’ ma’eman wia si Empung, wo reiy’ ma’emanla eng kelawiran waki-Nisia. ²³ Takar Nisia si minerentala e linaak-linaak waki atas, minuka’ em pepalen-pepalen e langit, ²⁴ timumpami wia nisea e naro manna kaa laa kaanen, wo mineemi wia nisea eng gandum waki langit; ²⁵ susur tou se kimaanola e roti malaikat, Sia si minapa’alimi e walun wia nisea meloko-lokon. ²⁶ Sia si simengo momi e reghes sendangan waki langit wo rumawir e reghes timu ampit eng kaente’an-Na; ²⁷ Sia si timumpami wia nisea e naro le’ona tanu e riawu eng kelakerna, wo e naro ne wara-wara maka kale’ekew tanu e neris waki tasik; ²⁸ Sia si limenta’la nyi’a witu nuner em pedasingan nea, esa nga kaledong en tampa paena’an i ti’i. ^{30 31} takar tumo’orouw e nupi’ ni Empung witu nisea: Sia si minunu’ se jago-jago nea, wo minatela se tole-tole Israel. ³² Ma’anouw tu’u tuana nisea se masiwope’ kasi en dosa wo reiy’ ma’eman wia em pasiwo-siwon – pasiwo-siwon-Na e maka’erangen. ³³ Kaa ni’itu Nisia si simiwo e nendo-nendo nea mina’apu witu e reiy’ sipenoron, wo en te’un-te’un nea witu eng kasenge’an. ³⁴ Sakawisa Sia munu’ nisea, takar nisea se sumero Nisia, nisea se minurikiti wo mepa’arla si Empung; ³⁵ nisea se neiy i kaghenang kaa si Empung nyi’a mouw si kuntung watu nea, wo kaa si Empung Si Kasarakek nyi’a mouw si Tumetubuus nea. ³⁶ Ta’an nisea se minonge’ Nisia ampit en suma nea , wo ampit e lila’ nea nisea se timowola Nisia. ³⁷ Nate nea e reiy’ minena-ena’ wia-Nisia, wo nisea se reiy’ lale’ wia en teta’aran-Na. ³⁸ Ta’an Nisia si makasifat tongkoupusen, Sia si maampungela eng kaselokan nea wo reiy’ minunengla nisea: kelakeran Nisia si metaang e nupi’-Na wo reiy’ mato’ori em pakasa’an e nupi’-Na. ³⁹ Sia si ghimenang kaa nisea i ti’i se le’ona, reghes e limease, e reiy’mouw laa marengi. ⁴⁰ Minaka pirala sea merangu witu Nisia waki padang gurun, wo masusala e nate-Na waki padang pelas! ⁴¹ Mineneu-neup sea mewewa’awa’la si Empung, rimarala e nate Ni Kudus waki Israel. ⁴² Nisea se reiy’ ghimenang witu eng kakuasa’an-Na, witu e nendo Nisia nu minayami nisea waki se kesaru, . ⁴³ eng katoroan Nisia nu timuanala eng kowa’-kowa’ waki Mesir wo e mijizat-mujizat waki padang Zoan. ⁴⁴ Sia si rimoba mianmuali raa’ en so’oso’an-so’oso’an nea wo en salu-salu en dano nea, i ka’ayo e reiy’ kinakoo’an; ⁴⁵ Sia si minayala wia nisea se laler laar se kimaan nisea, wo se pekak-pekak se minunengla nisea; ⁴⁶ Sia si mineela wua’na en tana’ nea wia se wate, wo e wua’na em pine’inakut nea wia se kompo’ ⁴⁷ Sia si minatela nakana e nanggor nea ampit e naro watu, wo e nakan-nakana ara nea ampit e leleiydem minewatu; ⁴⁸ Sia si minayala se kawang ne tekapen nea toron e naro eis, wo se ternak nea searen e lenter; ⁴⁹ Sia si rimeta’la wia nisea e nupi’-Na melaya-layas, eng kasaupi’, eng kaupi’an wo eng kase’esekan, se esa nga pasukan malaikat se maali-ali eng kacilaka’an; ⁵⁰ Sia si minayala e nupi’-Na minuaya, Sia si reiy’ minalouwmi e imukur nea waki maut, e nyawa nea neiy i sarakan-Nala witu e rumara menganup; ⁵¹ winunu’-Na em baya se oki’ polon waki Mesir, eng kegaga’an nea kasa ketare-tare waki dasing-dasing ni Ham; ⁵² neiy i reo-Na se umat-Na mengae tanu se domba-domba, pina’aka-aka’an-Na sea tanu se kawang ne tekapen waki padang gurun; ⁵³ rinawir-Na nisea ampit eng kalener, i ka’ayo se reiy’ matinggo’ogho’, kasuatan se kesaru nea se tinawunani en tasik; ⁵⁴ niali-Na sea mea waki tana’-Na kudus, nyi’a i yi’i eng kakuntungan i yi’i, e kina’atoan e lawas lele’os-Na; ⁵⁵ neiy i sere’-Na se bangsa-bangsa waki rerior nea, pinewete-weteng-Nala en tana’ pusaka ampit en tali i peukur, wo neiy i reo-Na se suku-suku Israel tumampala en dasing-dasing nea i ti’i. ⁵⁶ Ta’an nisea se mina’awa’la wo merangu witu si Empung, Si Kasarakek, wo se reiy’ timiboiy witu e nge’enge’-nge’enge’-Na; ⁵⁷ nisea se murtad wo sime’epang tanu se nene moyang nea, minaroba tanu em borang mepeponge’; ⁵⁸ nisea se rimarala e nate-Na ampit eng kentur-kentur patulean nea, simiwo nisia lo’ ate ampit se patong-patong nea. ⁵⁹ Eng katoroan si Empung nu liminga, Sia si kasa mineupi’, Sia si kasa simede’ se Israel; ⁶⁰ Sia si timea’ em paena’an-Na waki Silo en dasing niena’an-Na waki elet ne tou; ⁶¹ Sia si minayala eng kaente’an-Na kinetaangan, minayala eng kaormatan-Na minolone witu e lawas ne kesaru; ⁶² Sia si minayala se umat-Na kinaan en santi, wo kasa mouw mineupi’ Sia witu se kapunya’an-Na nuesa. ⁶³ Se toleoki’-toleoki’ nea se kinaan e napi, wo se reraa-reraa nea se riy’ mouw kasi palo’oren ampit eng kekantaren pekawengan; ⁶⁴ imam-imam nea se rima’aragh ampit en santi, wo se balu-balu nea se reiy’ mete’u mame’. ⁶⁵ Laa o mawongke mouw si Tuhan, tanu sitou si kinatekelan, tanu si pahlawan minawena’asi waki tinoek e nanggor; ⁶⁶ Sia si minewe mundur em baya se kesaru-Na, Sia si kimarenganla nisea minaka’ato e weweleiy i wee eng keure-urena. ⁶⁷ Sia si simede’ en dasing ni Yusuf, wo se suku Efraim se reiy’ pineleng-Na, ⁶⁸ ta’an Nisia si mineleng se suku Yehuda, kuntung Sion neiy i koupus-Nala; ⁶⁹ Sia si minangun en tampa kudus-Na eng kerakekan e langit, tanu mokan em bumi neiy i to’otol-Nala i wee eng keure-urena; ⁷⁰ pineleng-Na si Daud, hamba-Na, niedo-Nami sia waki elet eng kalero-kalero ne membe’ domba; ⁷¹ waki tampa ne domba-domba se matoto’la neiy i eiy-Na sia, kaa laa mererawirla si Yakub, umat-Na, wo e Israel, eng kapunya’an-Na nuesa. ⁷² Sia si rimawirla nisea ampit eng kale’osan e natena, wo mewawir nisea ampit eng kelali’iketan e lawasna.