¹ I wee si ma’aka-aka ne biduan. I ki’it e lagu: Te’a mepepunengla. Mazmur ni Asaf. Kekantaren. Nikeiy keiy masyukur wia-Nikoo, eeh Empung, keiy masyukur, wo se tou-tou se maaleiyla e ngaran-Nu se masusuiyla em pasiwo-siwon – pasiwo-siwon-Nu e maka’erangen. ² “Sakawisa Niaku tumataapla e nedona, Niaku nuesa ku laa makimla ampit eng kaulitan. ³ Bumi e minakemu wo em baya ne pendudukna; ta’an Niaku mouw si time’etepla em pa’asek-pa’asekna.” S e l a (maseng) ⁴ Niaku ku limila’ wia se lelo’odeghan-lelo’odeghan: “Te’a malo’odegh.” Wo wia se tou-tou fasik: “Te’a merakekla en sunge! ⁵ Te’a meka’atla en sungemu i rake-rakek, te’a mesesusuiy kimete e lee’!” ⁶ Karengan e reiy’ waki sendangan ka’apa waki talikuran wo e reiy’ waki padang gurun eng ke’e eiyna em perakekan i ti’i, ⁷ ta’an si Empung nyi’a mouw si Akim: i kumeng-Nala siesa wo i rakek-Nala se walina. ⁸ Karengan e nesa piala em bitu lawas ni TUHAN, e makapumpun anggor masewu, wuta sinewok e rampa; Sia si timoa’mi witu; nulit, nampasena e laa re’erepen wo koo’on em baya ne tou fasik wia em bumi. ⁹ Ta’an niaku ku laa merio-rio i wee eng keure-urena, niaku ku laa mememazmur i wee si Empung ni Yakub. ¹⁰ E reiy’ sa mina’asa sunge ne tou-tou fasik e laa kemun-Nala, ta’an en sunge-sunge ne tou ulit e laa i rakekela.