¹ Mazmur ni Asaf. Eng kaulitna si Empung i ti’i si le’os i wee nisea se le’os e natena, i wee nisea se weresi e natena. ² Ta’an niaku, e noki’pe’ kasi takar e ne’aku i kare’esok, ta’are’ aku i karo’oros. ³ Karengan niaku ku lo’ ate wia se lelo’odeghan-lelo’odeghan, sa aku lumoo’ eng kamang ne tou-tou fasik. ⁴ Karengan eng kinerara’an e reiy’la wia nisea, segaya’ wo rebur e nouwak nea; ⁵ nisea se reiy’ mine’ani eng kasusa’an ne tou, wo nisea se reiy’ tinena’ eng katula tanu se tou walina. ⁶ Kaa ni’itu nisea se makakelana eng katingkeiyan wo mekelabung eng kaketean. ⁷ Karengan eng kareburan, eng kaselokan nea e rimoa’, e nate nea mengaro-ngaro’oko ampit e ni’i papokeiyla. ⁸ Nisea se masindir wo mengila-ngila’la ampit eng kalewo’na, eng kapualitan paperasan em pasusuiyen neala ampit eng kerakekan e nate. ⁹ Nisea se minuka’ en suma masu’usuk e langit wo e lila’ nea malo’odegh wia em bumi. ¹⁰ Kaa ni’itu se tou-tou se minurikit wia nisea, minatola nisea tanu en dano e masewe-sewel. ¹¹ Wo nisea se limila’: “Kumura si Empung o mete’u eng kapualitan i ti’i, wawean ku’a re’en en tine’u wia Si Kasarakek?” ¹² Eng kaulitna, ni’itu mouw se tou-tou fasik: nisea se maawes eng harta benda wo en senaang eng keurena! ¹³ Kasa reiy’ sipenoron niaku metetaangla e nate weresi, wo moas e lawasku, eng kowa reiy’ siselok. ¹⁴ Ta’anouw eng kelabotan e nendo niaku ku tinena’ eng katula, wo tena’an e nukum susur memo’odo. ¹⁵ Sa wona’na aku lumila’: “Niaku ku pa’ar melila-lila’ tanu e ni’itu,” takar eng kaulitna niaku ku sime’epangola wia se angkatan ne oki-oki’mu. ¹⁶ Ta’an eng katoroan niaku nu mekemaksut kaa laa mamete’ula nyi’a, eng kapualitan i ti’i e minamuali kapedisan witu em berenku, ¹⁷ i ka’ayo aku ghumorem witu eng gorem en tampa kudus ni Empung, wo meela ghenang eng kesampetan nea. ¹⁸ Eng kaulitna waki tampa-tampa ere Koo mineela nisea, Koo limesoughla nisea i ka’ayo minakemu. ¹⁹ Kumura e minapunengna nisea witu e reiy’ pini’ipitan weren, minere’i, mina’apu karengan eng kahebatan! ²⁰ Tanu me’ipi witu e nedo neiy i kato’or, eeh Tuhan, witu e nedo minawongke, e rupa nea e linoo’-Mu hina. ²¹ Katoroan e nateku mape’an pe’it wo e wu’ana e rereenangku e menude-nude’papedamen, ²² niaku ku we’engel wo reiy’ makasiligh, tanu si tekapen niaku witu en tawi-Mu. ²³ Ta’an niaku ku minena-ena’ witu en tawi-Mu; Nikoo koo timiboiy e lawas lele’osku. ²⁴ Ampit e nge’enge’-Mu Nikoo koo merawir niaku, wo eng kamurian Nikoo koo minopo niaku mea witu eng gorem eng kamulia’an. ²⁵ Seiy eeh pasilan si wia niaku waki sorga e reiy’ siwalinana Nikoo? E reiy’ siwalinana Nikoo e reiy’la si kepa’areku wia em bumi. ²⁶ Ma’anouw tu’un e le’onaku wo e nateku e ma’apu mere’i, kuntung watuku wo e wetengku e minena-ena’ mouw si Empung eng keure-urena. ²⁷ Karengan eng kaulitna, seiy si wa’akat wia-Niaku si laa mapuneng; Nikoo koo minunengla em baya ne tou, se mesa’amek ampit timele’ula Nikoo. ²⁸ Ta’an niaku, niaku ku pa’ar tawi wia si Empung; niaku ku minee en tampa paterungangku wia si EMPUNG Tuhan, rio toro sumusuiyla e reiy’ sa mina’asa em pepa’ayangen-Na.