¹ Waki si Salomo. Oh Empung, i wee mola e nukum-Mu wia si raja wo eng ka’adilan-Nu wia si tole ni raja! ² Satorona sia si madilela se umat-Mu ampit eng ka’adilan wo se tou-tou-Mu se neiy i kalotoiy ampit nukum! ³ Satorona eng kuntung-kuntung mali en dame sejahtera i wee em bangsa, wo eng kentur-kentur e mali eng kaulitan! ⁴ Satorona sia si mee ka’adilan wia setou-tou neiy i kalotoiy waki se bangsa i ti’i, tumulung se tou-tou miskin, ta’an rumimu’umukla se mememeras-mememeras! ⁵ Satorona em pakatu’an e numurna kaurean wawean siendo, wo eng keurean wawean si sumedot, see’ o see’! ⁶ Satorona sia si tanu e naro en timumpami witu natas em padang rukut, tanu en dirus e naro minunongi em bumi! ⁷ Satorona eng ka’adilan e melar witu en zamanna wo en dame sejahtera e lumokon, i ka’ayo e reiy’ mola kasi sumedot! ⁸ Satorona sia si merenta waki tasik mea waki tasik, waki so’oso’an Efrat i ka’ayome waki tempok em bumi! ⁹ Satorona se maena waki padang pelas se kumurur witu en saruanna, wo se kesaru-kesaruna se sumila’ e riawu; ¹⁰ satorona se raja-raja waki Tarsis wo em pulau-pulau se mali en sesempe-sesempe; satorona se raja-raja waki Syeba wo Seba se ma’ayola e upeti! ¹¹ Satorona em baya ne raja se mongkot sumempe wia nisia, wo se reiy’ sa mina’asa bangsa se mamuali hambana! ¹² Karengan nisia si laa mayami se tou miskin se marekeiy makitulung, tou neiy i kalotoiy, wo se tou se reiy’ makapunya tumetulung; ¹³ sia si laa meupus wia se tou lewea’ wo se tou miskin, sia si laa lumawirla e nyawa ne tou miskin. ¹⁴ Sia si laa tumubuusi e nyawa nea waki palotoiyan wo eng kaketean, e raa’ nea e maal witu em berenna. ¹⁵ Tumou mouw sia! Satorona i sempela wia nisia e mas Syeba! Satorona sia si’i sombayangla e reiy’ maena-ena’, wo berkatela eng kelabotan e nendo! ¹⁶ Ma’anouw en tanemen gandum lumoko-lokon waki wanua, mewalolong waki toka eng kakuntungan; ma’anouw em bu’ana en sumeput tanu mokan e Libanon, e wulis-wulisna e melar tanu mokan e rukut wia em bumi. ¹⁷ Ma’anouw e ngaranna e minena-ena’ eng keure-urena, satorona e ngaranna eng kasa pasine’unla eng keurean wawean siendo. Satorona se reiy’ sa mina’asa bangsa se mebebberkatan ampit e ngaranna, wo tumotor nisia mina’aruiy. ¹⁸ Lino’orouw si TUHAN, Empung Israel, si timuanala em pasiwo-siwon maka’erangen maesa-esa! ¹⁹ Wo lino’orouw satorona e ngaran-Na mulia eng keure-urena, wo satorona eng kamulian-Na e mutami e minapekasa em bumi. Amin, oh amin. ²⁰ Tuana mouw en sombayang-sombayang ni Daud bin Isai.