¹ I wee si ma’aka-aka ne biduan. Waki si Daud, witu e nedo minapasempela en tetule i paghenang. Oh Empung, makarenganouw mayami niaku, tumulung niaku, eeh TUHAN! ² Ma’anouw maka’ato irang wo mapaira-irang nisea se pa’ar mesesawut e nyawaku; ma’anouw mundur wo tena’an en sering nisea se mepa’arla eng kacilaka’angku; ³ Ma’anouw murikit karengan e meirang se mineila’la: “Syukur, syukur!” ⁴ Ma’anouw melaya-laya’ wo mepa’a-pa’ar karengan Nikoo em baya ne tou se masero Nikoo; ma’anouw nisea se meupusla eng kelawiran waki-Nikoo se reiy’ siena’na meila’: “Empung i ti’i si wangko’!” ⁵ Ta’an niaku i yi’i ku peme’itan wo miskin – eeh Empung, makarenganouw meiy! Nikoo mouw si tumulung niaku wo lumiseiyla niaku; eeh TUHAN, te’a mouw teure mengeiy!