1 I wee si ma’aka-aka ne biduan. Ampit em pema’ayangan kecapi. Mazmur. Kekantaren. Satorona si Empung si meupusela nikita wo merkatela nikita, satorona Sia si sumena’mi nikita ampit eng gio-Na. S e l a (maseng) 2 Rio e lalan-Nu eng kasine’uan wia em bumi, wo eng kelawiran-Nu witu e nelet ne reiy’ sa mina’asa bangsa. 3 Satorona se bangsa-bangsa se mee syukur wia-Nikoo, eeh Empung; satorona se bangsa-bangsa em baya nea se mee syukur wia-Nikoo. 4 Satorona se suku-suku bangsa se mepa’a-pa’ar wo merio-rio, karengan Nikoo koo maperenta se bangsa-bangsa ampit e nadil, wo rumawir se suku-suku bangsa wia natas em bumi. S el a (maseng) 5 Satorona se bangsa-bangsa se mee syukur wia-Nikoo, eeh Empung, satorona se bangsa-bangsa em baya nea se mee syukur wia-Nikoo. 6 Tana’ e minee mola wua’na; Empung, Empung ta, si minerkatla nikita. 7 Empung si minerkatla nikita; satorona e reiy’ sa mina’asa en tempok em bumi e meide’la Nisia!