¹ I wee si ma’aka-aka ne biduan.Mazmur ni Daud. Kekantaren, I wee-Nikoo mouw em puji-pujian waki Sion, eeh Empung; wo wia-Nikoo mouw se tou mawear e nazar. ² Nikoo si limingala en sesombayangen. Wia-Nikoo mouw mineiy em baya ne matou-tou ³ karengan simelok. Sakawisa eng kaselokan-kaselokan neiy e lumantouwla eng kaente’an neiy, Nikoo mouw si rume’ila nyi’a. ⁴ Ma’aruiyola sitou si pineleng-Mu wo si neiy i reo-Mu rumeten kaa laa mena’ witu em podol-Mu! Satorona nikeiy keiy mawesu ampit e reiy’ sa mina’asa e le’os witu em bale-Mu, witu em bait-Mu kudus. ⁵ Ampit em pasiwo-siwon – pasiwo-siwon kahebat wo ampit eng ka’adilan Nikoo koo miningkot nikeiy, eeh Empung si limawirla nikeiy, Nikoo, si minamuali ka’emanan e reiy’ sa mina’asa en tempok em bumi wo em pulau-pulau e wa’akat-wa’akat; ⁶ Nikoo, si minalinto’orela eng kuntung-kuntung ampit eng kaente’an-Nu, kasuatan e rereenan-Nu e mekewewa’akesla eng kewaraneiyan; ⁷ Nikoo, si minompasla e nerut e lawanan, nerut em balolong-balolongna wo eng karingka’an ne bangsa-bangsa! ⁸ Kaa ni’itu se tou-tou se maena’ waki tempok-tempok em bumi se meide’ wia eng kowa’-kowa’ mujizat-Mu; en tampa kereretikna e memo’odo wo e mawengindo en siniwo-Mu merio-rio. ⁹ Nikoo koo minadungla en tana’ i ti’i, kimaruniala nyi’a eng kalokonan, wo simiwo nyi’a kasa kaya. Wa’atang e rano ni Empung wuta en dano; Nikoo koo simadiala gandum i wee nisea. Yon, tuana mouw Nikoo nu simadiala nyi’a; ¹⁰ Nikoo koo minee rano e lare’ em pajekona, Nikoo koo kimekosla e me’eme’-me’eme’ en tana’na, ampit en dirus e naro Nikoo koo rimewurla nyi’a; Nikoo koo minerkatla en tanemen-tanemenna. ¹¹ Nikoo koo minahkotala en te’un ampit eng kale’osan-Nu, nenus-Mu e mekaluari warewes; ¹² tana’-tana’ em padang gurun e mati’itik; eng kentur-kentur e makane’ereten e merio-rio; ¹³ padang-padang rukut e limabungela se kawang ne membe’ domba, eng kewong-kewong e makane’ulesela eng gandum, em baya nyi’a e merio-rio wo menganta-ngantar.