¹ I wee si ma’aka-aka ne biduan. Mazmur ni Daud, Oh Empung, linganouw en suaraku witu e nedo niaku nu mesa’ali, tayuranouw e nyawaku witu se kesaru kasa hebat. ² I kirongomi niaku witu em paasa-asa’an ne tou lewo’, witu eng karungkea’an ne tou-tou se masiwola eng kalewo’an, ³ se metaremla e lila’na tanu en santi, se mesarapla e lelila’an e pe’it tanu em panah, ⁴ kaa laa melelutam se tou tulus ate waki tampa neiy i kakirong; i kalo’ositi nisea se malutam nisia ampit e reiy’ meide-ide’. ⁵ Nisea se timiboiy te’etep witu maksut e lewo’, nisea se minesesusuiyla se laa tuma’an e we’etes ampit eng kumirong; pokeiy nea: “Seiy si lumoo’ nyi’a?” ⁶ Nisea se timiro’ eng kawilesan-kawilesan: “Nikeiy keiy timiro’ mouw, tetiro’an en simampetouw.” Kumura eng keraremna em batin wo e nate ni tou! ⁷ Ta’an si Empung si limutam nisea ampit em panah; minakarengan nisea kinepali’an. ⁸ Sia si simiwo nisea neiy i kare’esok karengan e lila’ nea; susur tou si lumoo’ nisea si makuyungla eng kokong. ⁹ Takar em baya ne tou se meide’ wo mabarla em pasiwo-siwon ni Empung, wo maakula em pepa’ayangen-Na. ¹⁰ Tou ulit se laa mepa’a-pa’ar karengan si TUHAN wo tumerung wia-Nisia; em baya ne tou se jujur se laa sumawa’.