¹ Mazmur ni Daud, eng katoroan nisia nu waki padang gurun Yehuda, Oh Empung, Nikoo mouw si Empungku, niaku ku masero Nikoo, imukurku si re’o wia-Nikoo, nouwakeku e lumelo wia-Nikoo, tanu en tana’ em pera wo e rese, reiy’ sirano. ² Tuana mouw niaku ku mawerene wia-Nikoo waki tampa kudus, kasuatan maloo’ eng kaente’an-Nu wo eng kamulia’an-Nu. ³ Karengan e nupus lale’-Mu e lebe le’os ta’an e matou-tou; en sumpingku e laa mesawa’la Nikoo. ⁴ Tuana mouw niaku ku pa’ar laa melelo’or Nikoo esa nga umur em patou-touangku wo mayatla e lawasku demi e ngaran-Nu. ⁵ Tanu ampit em barewes wo em be’enek e imukurku winesula, wo ampit en sumping e merio-rio en sumaku e melo’o-lo’or. ⁶ Sakawisa niaku ghumenang wia-Nikoo witu en tetekelangku, maghenangla Nikoo esa nga kelabotan kina’ampit em bengi, – ⁷ nuli-ulit Nikoo koo minamuali mouw tetulungangku, wo witu en sinalangkouwan eng kale’ekew-Mu niaku ku merio-rio. ⁸ Imukurku si kimerut wia-Nikoo, e lawas lele’os-Mu en timobol niaku. ⁹ Ta’an se tou-tou se mine’inakut mesesawut e nyawaku, se laa ghumorem witu e weteng-weteng em bumi kasa wawa’. ¹⁰ Nisea se laa i sarakan wia eng kuasa en santi, Nisea se laa mamuali kekaanen ne asu en talun. ¹¹ Ta’an si raja si laa mepa’a-pa’ar witu si Empung; susur tou, si tumiwa’ demi Nisia, si laa sumawa’, karengan en suma ne tou-tou se meila’la en towo e laa wusengen.