¹ I wee si ma’aka-aka ne biduan. I ki’it: Yedutun. Mazmur ni Daud, Reten i te ni Empung ku reiy’ moghe, waki Nisia mouw eng kelawirangku. ² Nisia i te si kuntung watuku wo kelawirangku, kota bentenku, niaku ku reiy’ laa moghe. ³ Pira eng keure ku’a re’en kouw laa mererego siesa nga touan, laa mererimu’umukla nisia, heiy nikouw nu waya, tanu witu eng kedir e wingi, witu em beton mererewa? ⁴ Nisea se mekemaksut i te mepepesiki nisia waki reruberanna e rakek; nisea se pa’ar wia en towo; ampit en suma nea sea se maberkatla, ta’an witu e natena nisea se makutokla. S e l a (maseng) ⁵ Wia si Empung i te satorona niaku reiy’ moghe, karengan e waki Nisia mouw e narapangku. ⁶ Nisia i te si kuntung watuku wo kelawirangku, kota bentenku, niaku ku reiy’ laa moghe. ⁷ Wia si Empung wawean eng kelawirangku wo eng kamulia’angku; kuntung watu kaente’angku, tampa paterungangku nyi’a mouw si Empung. ⁸ Ma’emanouw wia-Nisia susur e nedo, heiy umat, i wura’arakola em pumpun e natemu witu en sinaru-Na; Empung nyi’a mouw si tampa paterungan ta. S e l a (maseng) ⁹ Se reghes i te se tou-tou hina, e nesa towo i te se tou-tou mulia. Witu en tetimbangan nisea se minatas, nisea nu waya se lebe wure’ ta’an e reghes. ¹⁰ Te’a mouw ma’eman wia em paperasan, te’a mouw mawee arap reiy’ sipenoron wia em pengaatan; sakawisa eng harta maka awesla, te’a mouw e natemu kumerut wia nyi’a. ¹¹ E mekasa si Empung si minee nuwu’, e rua kapualitan e liningaku: kaa eng kuasa e waki si Empung e nasalna, ¹² wo waki Nikoo kangkasi e nupus o lale’, eeh Tuhan; karengan Nikoo koo masuli’ susur tou i ki’it em pasiwo-siwonna.