1 I wee si ma’aka-aka ne biduan. I ki’it e lagu: Te’a mepepunengla. Miktam Waki si Daud, eng katoroan sia nu timingkasi waki si Saul, minea witu eng gorem eng goa. I koupusola niaku, eeh Empung, i koupusola niaku, karengan wia-Nikoo mouw e imukurku timerung, i ka’ayo lumease em pakemuan i ti’i. 2 Niaku ku maaleiy wia si Empung, Si Kasarakek, wia si Empung si simampetla nyi’a i wee niaku. 3 Satorona Sia si mapa’alimi tetoke waki sorga wo lumawirla niaku, meleiy se tou-tou se mele’e-le’ek niaku. S e l a (maseng) Satorona si Empung si mapa’alimi e nupus o lale’ wo eng kaulitan-Na. 4 Niaku ku neiy i kagholeiy witu eng keuneran ne singa se pa’ar merero’okep se oki-oki’ ni tou, em ba’angna en tanu mokan en tetura’ wo em panah wo e lila’na en tanu mokan en santi telew. 5 I rakekome en tou-Mu, matase e langit, eeh Empung! Ma’anouw eng kewangko’an-Nu matase e minapekasa em bumi! 6 Nisea se tima’an pure’eket witu eng keke’angan-keke’angangku, neiy i tu’utuknala e imukurku, nisea se kimiar ko’okor witu en saruanku, ta’an nisea nuesa se neiy i ka’anu witu eng goremna. S e l a (maseng) 7 Nateku en timiro’, eeh Empung, nateku en timiro’; niaku ku pa’ar mekekantar, niaku ku pa’ar mememazmur. 8 Tumo’orouw, heiy imukurku, tumo’orouw, heiy gambus wo kecapi, niaku ku pa’ar mewewongkela em beena! 9 Niaku ku pa’ar mesesyukur wia-Nikoo witu e nelet ne bangsa-bangsa, eeh Tuhan, niaku ku pa’ar mememazmur i wee-Nikoo witu e nelet ne suku-suku bangsa; 10 karengan e nupus lale’-Mu wangko’ e mina’ayome waki langit, wo eng kaulitan-Nu e mina’ayome waki linaak-linaak. 11 I rakekome en tou-Mu matase e langit, eeh Empung! Ma’anouw eng kewangko’an-Nu matase e minapekasa em bumi!