¹ I wee si ma’aka-aka ne biduan. Ampit em pema’ayangan kecapi. Kekantaren pawee teturu’ ni Daud, eng katoroan se tou en Zifi nu mineiy lumila’la wia si Saul: “Daud si kimirong wia nikeiy.” Oh Empung, lawirenola aku kaa e ngaran-Nu, weeanouw ka’adilan wia niaku karengan eng kaente’an-Nu! ² Oh Empung, linganola en sombayangku, weeanouw talinga witu en totor en sumaku! ³ Karengan se tou-tou tingkeiy se timo’or marego niaku, se tou-tou tingkeiy se pa’ar mesesawut e nyawaku; nisa se reiy’ mepadungla si Empung. S e l a (maseng) ⁴ Eng kaulitna, Empung nyi’a mouw si tumetulungku; Tuhanouw si timobol niaku. ⁵ Ma’anouw eng kalewo’an i ti’i e murikit wia se kesaru-kesaruku; punengenola sea karengan eng kelale’an-Nu! ⁶ Ampit eng kepa’aran e nate niaku ku laa manginsempela en tetule wia-Nikoo, mee syukur karengan e ngaran-Nu le’os, eeh TUHAN. ⁷ Karengan Nisia si minayami niaku waki e reiy’ sa mina’asa kase’esekan, wo em berenku e matu’usla se kesaruku.