¹ I wee si ma’aka-aka ne biduan. I ki’it e lagu: Mahalat. Kekantaren pawee teturu’ ni Daud. Tou ba’abal si limila’ witu natena: “Reiy’la si Empung” E wu’ul wo e ri’iris eng kawilesan nea, e reiy’la si masiwo le’os. ² Empung si timebomi waki sorga wia seoki-oki’ ni tou, kaa laa lumoo’ sapa ku’a re’en wawean si maka akal budi wo si masero si Empung. ³ Nisea nu waya se sime’epangouw, minapekasa nea se teri mouw; e reiy’la si masiwo le’os, siesa tou tu’u e reiy’. ⁴ Reiy’ mawena’as ku’a re’en se tou-tou se matuanala eng kalewo’an, se kimaan mina’apu se umat-Ku tanu se mekaan e roti, wo se reiy’ maaleiy wia si Empung? ⁵ Manamome sea toron eng kasenge’an wangko’, e nulitna e reiy’la si simenge’la; karengan si Empung si simerala e ruiy-ruiy em baya ne kimepung nikoo; nisea se laa i papairangla, karengan si Empung si simede’ mola nisea. ⁶ Yon, meiy mouw satorona waki Sion eng kelawiran i wee se Israel! Sakawisa si Empung si sumegaya’la eng ka’ada’an ne umat-Na, takar si Yakub si laa merio-rio, Israel se laa mepa’a-pa’ar.