¹ I wee si ma’aka-aka ne biduan. Kekantaren pawee teturu’ ni Daud, eng katoroan si Doeg, tou e Edom i ti’i, mineiy makite’ula wia si Saul, kaa si Daud si mina’ayo mola waki wale ni Ahimelekh. Ka’a koo mesawa’la en tou ampit eng kalewo’an, heiy pahlawan, witu se tou neiy i koupusla ni Empung eng kelabotan e nendo? ² Nikoo koo matiro’la em pakemuan, lila’mu tanu em paghi’ sesukur wini’iwi’, heiy nikoo, si lumele’ekok! ³ Nikoo koo meupusla e lewo’ lumebela ta’an e le’os, wo en towo lumebela ta’an e lelila’an ulit. S e l a (maseng) ⁴ Nikoo koo meupusla e reiy’ sa mina’asa lelila’an e makaseroken, heiy lila’ lumele’ekok! ⁵ Ta’an si Empung si laa kumolo’la nikoo i wee e mapawee-weena, Sia si laa rumo’obit nikoo wo sumawuti nikoo waki ghorem en dasing, ma’anuti nikoo waki ghorem e wanua ne tou-tou matou-tou. S e l a (maseng) ⁶ Takar se tou-tou ulit se laa lumoo’ nyi’a wo mameide’, wo nisea se laa kume’eke’la nyi’a: ⁷ “Loo’onouw sitou i ti’i si reiy’ simiwola si Empung tampa tete’upanna, si ma’emanla witu eng kakaya’anna limokon, wo timerung witu e winta’ pakemuanna!” ⁸ Ta’an niaku i yi’i ku tanu e nakana en zaitun limisouw witu eng gorem em bale ni Empung; niaku ku ma’eman e nupus lale’ ni Empung i wee e mapawee-weena wo eng keurena. ⁹ Niaku ku laa mesesyukur wia-Nikoo eng keure-urena, karengan Nikoo mouw si mininta’; karengan e ngaran-Nu le’os, niaku ku laa mapasine’ula nyi’a witu en saruan ne tou-tou se i koupus-Mula!