¹ I wee si ma’aka-aka ne biduan. Mazmur waki si Daud, eng katoroan si nabi Natan nu mineiy wia nisia nu reiy’ mouw sia nu timawila si Bersyeba. I koupusola niaku, eeh Empung, i ki’it e nupus lale’-Mu, re’inola eng kaselokangku i ki’it e en tongkoupusen-Nu e wangko’! ² Weresinola niaku minapekasana waki kaselokangku, wo lenasenola niaku waki dosaku! ³ Karengan niaku nuesa ku wena’as witu eng kaselokangku niaku ku reiy’ maena-ena’ mewalo’an ampit en dosaku. ⁴ Witu Nikoo, witu Nikoo i te niaku minaka dosa mola wo matuanala sapa ni’i papokeiy-Mula lewo’, rio pinakaloo’o-loo’ola Nikoo koo adil witu eng katenggolan-Nu, weresi witu em peukuman-Nu. ⁵ Eng kaulitna, witu eng kaselokan niaku neiy i patoumi, witu en dosa niaku ginandongi ni ina’ku. ⁶ Eng kaulitna, Nikoo koo mekepa’arla eng kaulitan witu em batin, wo ampit e memene-menes Nikoo koo minakite’ula eng hikmat wia niaku. ⁷ Weresinomi aku waki dosaku ampit em pepi’ipik, takar niaku ku mamuali lenas, oasanouw aku, takar niaku ku mamuali lebe puti’ ta’an en salju! ⁸ Ma’anouw aku luminga eng kalaya-laya’an wo eng kepa’a-pa’aran ma’anouw e ruiy rinimu’umuk-Mula e merio-rio sumeup! ⁹ I kirongomi eng gio-Mu witu en dosaku, re’inola e reiy’ sa mina’asa eng kaselokangku! ¹⁰ Siwonola e nateku lenas, eeh Empung, wo werunola em batinku ampit e roh te’etep! ¹¹ Te’a mouw i petetereki niaku waki sinaru-Mu, wo te’a mouw pa’edoni e roh-Mu kudus waki niaku! ¹² Tumo’oromi sumeup wia niaku eng kelaya-laya’an karengan e lawir waki Nikoo, wo lekepenola niaku ampit e roh kasa pa’ar! ¹³ Takar niaku ku ma’ajarla e lalan-Mu wia se tou-tou se matuanala eng kaselokan, rio se tou-tou makadosa se marengi wia-Nikoo. ¹⁴ I waya momi niaku waki e nutang raa’, eeh Empung, Empung kelawirangku, takar e lila’ku e laa merio-rio laa makite’ula eng ka’adilan-Nu! ¹⁵ Oh TUHAN, wuka’enouw en sumpingku, rio en sumaku e makite’ula em puji-pujian wia-Nikoo! ¹⁶ Karengan Nikoo koo reiy’ mepa’ar wia en tetule rineret; sa andeiyna i sempekula en tetule tinunu, Nikoo koo reiy’ mepa’arla nyi’a. ¹⁷ Tetule rineret wia si Empung nyi’a mouw e imukur minakemu; e nate repu’ wo rimu’umuk e reiy laa loo’on-Nu hina, eeh Empung. ¹⁸ Tuananola eng kale’osan wia si Sion i ki’it eng kasa kepa’aran e natemu bangunenouw em beton-beton Yerusalem! ¹⁹ Takar Nikoo koo laa mepa’ar wia en tetule e ulit, tetule tinunu wo en tetule minatunu e minapekasana; takar se tou se laa tumulela se sapi raghar witu natas e mezbah-Mu.