¹ I wee si ma’aka-aka ne biduan. Waki se bani Korah. Mazmur. Linganouw, heiy bangsa-bangsa nu waya, ta’anouw en talinga, heiy em baya ne penduduk eng kaoatan, ² le’os se hina ka’apa tu’u se mulia, le’os se kaya ka’apa tu’u se miskin se mewali-wali! ³ Sumaku e laa tumotorla eng hikmat, wo eng ginenangela e nateku nyi’a mouw em pangartian. ⁴ Niaku ku laa sume’elengla en talingaku wia e amsal, niaku ku laa ma’ayola em peribaasaku ampit e ma’ayang kecapi. ⁵ Ka’a aku meide’ witu e nendo-nendo cilaka witu e nedo niaku nu kinepung eng kalewo’an ne mengasu-mengasu niaku, ⁶ nisea se ma’emanla wia eng harta bendana, wo mesawa’la en tou ampit eng kelakerna eng kakaya’an nea? ⁷ Reiy’la siesa tou tu’u si toro mayami en touna, ka’apa meela tetubuus wia si Empung sawel e nyawana, ⁸ karengan en taleus maal e narga pewewaya’ani e nyawana, wo e reiy’ ma’awes i wee eng keure-urena – ⁹ rio sia mena-ena’ tumou i wee e mapawee-weena, wo reiy’ lumoo’ eng ko’okor eng kubur. ¹⁰ Nulit, e laa loo’onna: se tou-tou makapunyala eng hikmat se mate, se tou-tou we’engel wo bidok tu’u se minapuneng mewali-wali wo timele’ula eng harta benda nea i wee se tou walina. ¹¹ Kubur nea nyi’a mouw em bale nea i wee eng keure-urena, en tampa paena’an nea see’ o see’; nisea se mapokeiyla em penguma’an-penguma’an em punya nea. ¹² Ta’an ampit e reiy’ sa mina’asa kaserengatanna sitou si reiy’ mete’u tumaang, sia si toro pasuatela ampit se tekapen pinunengela. ¹³ Nyi’i mouw e lalanna ne tou-tou se ma’eman wia en touna nuesa, em patean ne tou-tou se mepa’arla e lelila’anna nuesa. S e l a (maseng) ¹⁴ Tanu si domba sea makoror mea witu eng gorem eng kaoatan ne tou minate, rinawirela e maut; nisea se timumpa minapawee-wee mea waki kubur, e nouwak nea minakemu, eng kaoatan ne tou minate e minamuali tampa paena’an nea. ¹⁵ Ta’an si Empung si laa mayami e nyawaku waki rinongkeman eng kaoatan ne tou minate, karengan Nisia si laa kumeong niaku. S e l a (maseng) ¹⁶ Te’a mouw meide’, sakawisa siesa nga touan mamuali kaya, sakawisa eng kamulia’an ne me’urangna e maawes, ¹⁷ karengan witu e nedo kepepatena em baya nyi’a i ti’i e reiy’ laa paalinna mewali, eng kamulia’anna e reiy’ laa tumumpa kumi’itla nisia. ¹⁸ Ma’anouw tu’u sia mapokeiyla en touna mina’aruiy witu e masa em patou-touanna, ma’anouw tu’u se tou lumo’or nisia, karengan nisia si masiwo e le’os witu en touna nuesa, ¹⁹ ta’anouw nisia si laa i ka’ayo wia se angkatan ne nene moyangna, se reiy’ laa lumoo’ en terang i wee e mapawee-weena. ²⁰ Sitou, si ampit e reiy’ sa mina’asa eng kaserengatanna si reiy’ makapunyala em pangartian, si toro i suatela ampit si tekapen pinunengla.