¹ I wee si ma’aka-aka ne biduan.Waki se bani Korah. Mazmur. Heiy e reiy’ sa mina’asa bangsa, sumepe’ mola lawas, pengena-ngena’enola si Empung ampit e merio-rio! ² Karengan si TUHAN, Si Kasarakek nyi’a mouw si kahebat, si Raja kasa wangko’ witu e minapekasa em bumi. ³ Sia si timu’utukla se bangsa-bangsa witu e wawa’ eng kuasa ta, suku-suku bangsa witu e wawa’ e ne’a ta, ⁴ Sia si minelengla i wee nikita en tana’ pusaka ta, kesawa’an ni Yakub si neiy i koupus-Nala. S e l a (maseng) ⁵ Empung si limongkotouw ampit tineperla e rioan, yon si TUHAN i ti’i, ampit tineperla e legu’an en sesebungen. ⁶ Memazmurola i wee si Empung, memazmurola, memazmurola i wee si Raja ta, memazmurola! ⁷ Karengan si Empung nyi’a mouw si Raja e minapekasa em bumi, memazmurola ampit eng kekantaren pawee teturu’! ⁸ Empung si maperenta tanume si raja witu se bangsa-bangsa, Empung si maena’ witu natas en takhta-Na kudus. ⁹ Em baya ne pamuka-muka ne bangsa-bangsa se minerur tanume se umat ni Empung Abraham. Karengan si Empung si makapunya eng kekelung-kekelung em bumi; Nisia si kasa i perakekla.