¹ I wee si ma’aka-aka ne biduan. Waki se bani Korah. Ampit e lagu: Alamot. Kekantaren. Empung i ti’i i wee nikita si tampa paterungan wo kaente’an, tanume si tumetulung witu eng kase’esekan eng kasa pinakaloo’o-loo’ola. ² Kaa ni’itu kita reiy’ laa meide’, ma’anouw tu’u em bumi maroba, ma’anouw tu’u eng kuntung-kuntung ghumo’ogho’ witu eng gorem en tasik; ³ ma’anouw tu’u merangu wo masewu e ranona, ma’anouw tu’u eng kuntung-kuntung e moghe kaa e wuayana. S e l a (maseng) ⁴ Kota ni Empung, paena’an Ni Kasarakek, neiy i pa’arla ne salu-salu e nesa so’oso’an. ⁵ Empung si witu eng goremna, eng kota i ti’i e reiy’ laa moghe; Empung si laa tumulung nyi’a melelaa memo’odo. ⁶ Bangsa-bangsa se rungkea’, keraja’an-keraja’an e limo’olok, Sia si minapalingala en suara-Na, wo em bumi tu’u e minakemu. ⁷ TUHAN e minapekasa alam si merapitla nikita, kota benten ta nyi’a mouw si Empung ni Yakub. S e l a (maseng) ⁸ Mea mouw, werenanouw em pepa’ayangen ni TUHAN, si simiwola em papunengan wia em bumi. ⁹ si minena’la em paseke’an i ka’ayo waki tempok em bumi, si marepu’la em borang em pana, masumpulela en tetura’, rimengis eng kareta-kareta i paseke’ ampit e napi! ¹⁰ “Menesouw wo kete’uanola, kaa Niaku mouw si Empung! Niaku ku i perakekla witu e nelet ne bangsa-bangsa, i perakekla wia em bumi!” ¹¹ TUHAN e minapekasa alam si merapitla nikita, kota benten ta nyi’a mouw si Empung ni Yakub. S e l a (maseng)