¹ Weeanola ka’adilan wia niaku, eeh Empungku, wo pe’inakutenola em perkaraku witu se kaum reiy’ lale’! I liseiyomi niaku waki se tou le’ekok wo se tou wiles! ² Karengan Nikoo mouw si Empung tampa pate’upangku. Ka’a Koo tumerek niaku? Ka’a aku lewo’sa reiy’ tumou mengasi’ witu e wawa’ e ropitan ne kesaru? ³ I reo mouw en terang-Mu wo eng kelale’an-Nu meiy, rio aku teperen wo alin waki eng kuntung-Mu kudus wo mea waki tampa paena’an-Nu! ⁴ Takar niaku ku toro mea waki mezbah ni Empung, sumaru si Empung, e nyi’a mouw eng kepa’a-pa’arangku wo eng kelaya-laya’angku, wo mee syukur wia-Nikoo ampit eng kecapi, eeh Empung, Empungku! ⁵ Ka’a Koo neiy i keubel, heiy imukurku, wo ka’a koo balisa witu eng gorem en touku? Maarapola wia si Empung! Karengan niaku ku masyukur kasi wia Nisia, si tumetulungku wo Empungku!