¹ I wee si ma’aka-aka ne biduan. Mazmur ni Daud. Ma’aruiyola sitou si maweela ghenang se tou lewea’! TUHAN si laa lumiseiyla nisia witu e nedo macilaka. ² TUHAN si laa tumerungla nisia wo miara e nyawana, i ka’ayo sia totoren ma’aruiy wia em bumi; Nikoo koo reiy’ laa mayala nisia pa’ayangen ne kesaruna! ³ TUHAN si sumawang nisia witu en tetekelanna e nedo rara’an; witu en tetekelanna Koo sumegaya’mi nisia kasa uli-ulit waki rumarana. ⁴ Sa aku, pokeiyku: ”TUHAN, i koupusola niaku, le’osenola niaku, karengan witu Nikoo mouw aku makadosa!” ⁵ Kesaruku se meila’la e lewo’ tanume niaku: “Kawisa ku’a re’en sia mate, wo eng ngaranna i kaliong mere’i?” ⁶ Sitou si mineiy lumales, si meila’ en towo; natena wuta eng kalewo’an, laa o sia kumaluar sumusuiyla nyi’a witu e lalan. ⁷ Em baya ne tou se mari’iris wia niaku se menena-nena’ mewali-wali en tanume niaku, nisea se matiro’la e lewo’ witu niaku: ⁸ “Rumara lewo’ en timoro mola nisia, mekasa i kagholeiy, si reiy’ mouw laa mato’o-to’ori kasi.” ⁹ Awes tare si kalo karetukeku si pa’emanengkula, si kimaan e rotiku, si kimenteiyola en tu’umirna witu niaku. ¹⁰ Ta’an Nikoo, eeh TUHAN, i koupusola niaku wo i taga’ mola aku, takar niaku ku laa metetuanala en sesuli’an witu nisea. ¹¹ Ampit en tuana niaku ku mete’u, kaa Nikoo koo mepa’ar wia niaku, sakawisa se kesaruku se reiy’ merio-rio karengan niaku. ¹² Ta’an niaku, Nikoo koo timobol niaku karengan eng kale’osan e nateku, Nikoo koo simiwo niaku timaga’ witu en sinaru-Mu i wee eng keure-urena. ¹³ Lino’orouw si TUHAN, Empung Israel, waki keure-urena i ka’ayo eng keure-urena! Amin, yon Amin.