¹ I wee si ma’aka-aka ne biduan. I wee e Yedutun. Mazmur ni Daud. Eng genangku: “Niaku ku laa metetayur en tou, rio te’a aku makadosa ampit e lila’ku; niaku ku laa tumaang en sumaku ampit en toom eng keurean se tou fasik se witupe’ en saruanku.” ² Niaku ku minu’ukul, niaku ku minenes, niaku ku minowo’, niaku ku wa’akati waki kapualitan e le’os; ta’an em peme’itangku e makawuterla ³ Nateku e mawuaya witu en touku, melayas tanu napi, eng katoroan niaku nu menga’angal e nga’angal; niaku ku masusuiy ampit e lila’ku: ⁴ “Yon TUHAN, i pakite’u momi wia niaku em pateangku, wo sapa e nakaran e numurku, rio aku mete’ula kumura eng katerina niaku! ⁵ Nulit, em pira ngerangan ite neiy i tantu-Mula e numurku; i wee- Nikoo em patou-touangku tanu e nesa reiy’ sisapa. Yon, susur tou se minaghio-ghio i te! S el a (maseng) ⁶ Nisia si kumalenoan i te limease! Sia si minaparungkea’ i tela e reiy’ sipenoron wo tumawun, ta’an si reiy’ mete’u, seiy si laa kumawi nyi’a ee sangari. ⁷ Wo en teakan, sapa ku’a re’en em pengena-ngena’an, eeh Tuhan? Wia-Nikoo mouw niaku maarap. ⁸ I waya momi niaku waki e reiy’ sa mina’asa eng kaselokangku, te’a pesesiwonla niaku sesero’an ne tou ba’abal! ⁹ Niaku ku minu’ukul, e reiy’ wuka’angku en sumaku, karengan Nikoo nuesa mouw si mininta’. ¹⁰ I liseiyomi niaku waki wewewe-Mu, niaku ku rimu’umuk karengan e regoan e lawas-Mu. ¹¹ Nikoo koo simiasa siesa nga touan ampit e nukuman karengan eng kaselokanna, wo kimemula eng kewangunanna masuat tanu se wu’uwuk; eng kaulitna, susur tou nyi’a mouw se kaghio-ghioan waya. S e l a (maseng) ¹² inganome en sombayangku, eeh TUHAN, wo weeanola talinga witu e rekeiyku makitulung, te’a mouw makapenes en tou maloo’ e lue’ku! Karengan niaku ku time’up wia-Nikoo, niaku ku malepu-lepu tanu em baya ne nene moyangku. ¹³ I wera momi en tu’usan-Nu waki niaku, rio aku mepa’a-pa’ar nu reiy’pe’ niaku nu mea wo e reiy’ mouw wia kasi!”