¹ I wee si ma’aka-aka ne biduan. Waki si hamba ni TUHAN, waki si Daud. Dosa e matotor witu lo’okna e nate ni tou fasik; mapedam meide’ wia si Empung e reiy’la wia sitou i ti’i, ² karengan nisia si maelur en touna, i ka’ayo sitou nu matola eng kaselokanna wo mari’iris nisia. ³ Lelila’en waki sumana nyi’a mouw eng kalewo’an wo e le’ekok wiles, sia si reiy’ mawinta’ en sama’ wo masiwo e le’os. ⁴ Kalewo’an en siniwonala witu en tetekelanna, sia si timampala en touna witu lalan e reiy’ le’os; sapa e lewo’ e reiy’ i sede’na. ⁵ Oh TUHAN, e nupus-Mu mina’ayome waki langit, lale’-Mu e mina’ayome waki linaak. ⁶ Ka’adilan-Nu nyi’a mouw en tanu eng kuntung-kuntung ni Empung, e nukum-Mu nasarla e lawanan wangko’ kahebat. Setou wo se tekapen se linawir-Mula, eeh TUHAN. ⁷ Kumura e maka argana e nupus lale’-Mu, eeh Empung! Oki-oki’ ni tou se timerung witu en sinalangkouwan eng kale’ekew-Mu. ⁸ Nisea se minesula en touna ampit em barewes witu em bale-Mu; Nikoo koo minee nisea kumoo’omi waki so’oso’an eng kasenaangan-Nu. ⁹ Karengan wia-Nikoo wawean eng kembu’an em petou-touan, witu eng gorem en terang-Mu nikeiy keiy limoo’ en terang. ¹⁰ I papawee-wee mola e nupus lale’-Mu i wee se tou se makasine’u Nikoo, wo eng ka’adilan-Nu i wee se tou le’os ate! ¹¹ Te’a mouw satorona e ne’a ne tou-tou tingkeiy e lume’ek niaku, wo e lawas ne tou fasik e mure’ niaku, ¹² Loo’on, se tou-tou se matuanala eng kalewo’an i ti’i nu i ka’anu; nisea se i wansal wo se reiy’ mouw mete’u tumo’ori kasi.