¹ Mzmur ni Daud. Wia si TUHAN, heiy se maena’ waki sorgawi, wia si TUHAN i te eng kamulia’an wo eng kaente’an! ² I wee mouw wia si TUHAN eng kamulia’an e ngaran-Na, mongkotouw wia si TUHAN ampit e minanginlo’orela eng kakudusan! ³ Suara ni TUHAN witu natas e rano, Empung si mulia si limenter, TUHAN si witu natas e rano em bangko’. ⁴ Suara ni TUHAN wuta eng kaketeran, suara ni TUHAN wuta en serengat. ⁵ Suara ni TUHAN e rimepu’la e nakana aras, awes tare, TUHAN si rimo’atla e nakana aras Libanon. ⁶ Sia si simiwo eng kuntung Libanon mengompo-ngompo’ tanu sioki’ ni sapi, wo eng kuntung Siryon tanu sioki’ ni banteng. ⁷ Suara ni TUHAN e masegoa’mi layasna napi. ⁸ Suara ni TUHAN simiwo em padang gurun matenggo’ogho’, TUHAN si simiwo em padang gurun Kadesh matenggo’ogho’ ⁹ Suara ni TUHAN simiwo minaanak si rusa mereiy megandong, awes tare, en talun e rino’opongnala; wo witu eng gorem em bait-Na susur tou se maaleiy: “Ormat!” ¹⁰ TUHAN si rimuber witu natas e rano ampuan, TUHAN si rimuber tanume si Raja i wee eng keure-urena. ¹¹ TUHAN satorona si meela kaketeran wia se umat-Na, TUHAN satorona si merkatla se umat-Na ampit en sejahtera!