¹ Waki si Daud. Wia-Nikoo, eeh TUHAN, kuntung watuku, niaku maaleiy, te’a mouw makapenes en tou witu niaku, karengan, sa Koo minena-ena’ minakapenes wia niaku, niaku ku minamuali tanu sitou si timumpa witu eng gorem ruragh eng kubur. ² Linganola en suara paaleiyku, sakawisa ku rumekeiy wia-Nikoo maki tulung, wo mayat e lawasku i torome en tampa-Mu eng kasa kudus. ³ Te’a mouw mekekeong niaku mewali-wali ampit se tou fasik ka’apa tu’u ampit se tou se matuanala eng kalewo’an. ⁴ Su’inola sea i ki’it em pasiwo-siwon nea wo i ki’it eng kapawinta’ nea e lewo’; su’inola sea eng kewaar ampit em pasiwo-siwon e lawas nea, i suli’ mouw wia nisea sapa en tinuana neala. ⁵ Karengan nisea se reiy’ mepadungla em pepa’ayangen ni TUHAN wo em pasiwo-siwon e lawas-Na; Sia si laa kuma’anula nisea wo reiy’ tumo’orla nisea kasi. ⁶ Lino’orouw si TUHAN, karengan Nisia si liminga mola en suara paaleiyku. ⁷ TUHAN nyi’a mouw si kaente’angku wo kekelungku; wia-Nisia nateku ma’eman. Niaku ku kinatulungan kaa ni’itu e mepa’a-pa’ar e nateku, wo ampit eng kekantarengku niaku ku masyukur wia –Nisia. ⁸ TUHAN nyi’a mouw si kaente’an ne umat-Na wo benten kelawiran i wee se tou se ni’isu’-Nala! ⁹ Lawirenola satorona se umat-Mu wo berkatenola eng kapunya’an-Nu nuesa, rawirenola sea wo ru’urenouw sea i wee eng keure-urena.