¹ Waki si Daud. Wia-Nikoo, eeh TUHAN, popongku e imukurku; ² Empungku, wia-Nikoo aku ma’eman; te’a mouw satorona aku maka’ato nirang; te’a mouw se kesaru-kesaruku se mepa’a-pa’ar witu niaku. ³ Yon, em baya ne tou se mengena-ngena’la Nikoo se reiy’ laa maka’ato e nirang; se maka’ato e nirang nyi’a mouw nisea se masiwo en sime’epang ampit e reiy’la sito’otolanna. ⁴ I pakite’u momi e lalan-lalan-Mu wia niaku, eeh TUHAN, i papa’ato momi ni’itu wia niaku. ⁵ Alinouw aku kumelang witu eng kaulitan-Nu wo turu’enouw aku, karengan Nikoo mouw si limawirla niaku, Nikoo koo pengena-ngena’angku kelabotan e nendo. ⁶ Ghenangenouw e reiy’ sa mina’asa rahmat-Mu wo e nupus lale’-Mu, eeh TUHAN, karengan em baya nyi’a i ti’i em bia mouw rengane’ em pubakala. ⁷ Dosa-dosaku witu e nedo nu muda wo eng kaselokan-kaselokangku te’a mouw pegheghenangen-Nu, ta’an ghenangenola niaku minatoroan ampit e nupus lale’-Mu, eng karengan eng kale’osan-Nu, eeh TUHAN. ⁸ TUHAN i ti’i si le’os wo ulit; kaa ni’itu Nisia si tumudu’la lalan wia se tou maseip. ⁹ Nisia si merawir se tou-tou se kumeng ate i ki’it e nukum, wo Nisia si maturu’la e lalan-Na wia se tou-tou se kumeng ate. ¹⁰ E reiy’ sa mina’asa e lalan ni TUHAN nyi’a mouw e nupus o lale’ wo eng kaulitan i wee sitou si timiboiy witu en teta’aran-Na wo e nge’enge’-nge’enge’-Na. ¹¹ Eng karengan e ngaran-Nu, eeh TUHAN, ampunganola eng kaselokangku, karengan em bangko’ eng kaselokan i ti’i. ¹² Seiy ku’a re’en sitou si meide’la si TUHAN? Seiy ku’a re’en sitou si reiy’ meide’la si TUHAN? Wia nisia si TUHAN si tumudu’la lalan e lewo’ sa reiy’ pelengenna. ¹³ Sitou i ti’i nuesa si laa mena-ena’ witu eng ka’aruiyan wo se oki’ puyunna se laa maka’atola em bumi. ¹⁴ TUHAN si maksewok retuk ampit sitou si meide’la Nisia, wo en teta’aran-Na ni’i pakite’u-Nala wia nisea. ¹⁵ Berenku e minena-ena’ neiy i katoro wia si TUHAN, karengan Nisia si rimou’mi e ne’aku waki pure’eket. ¹⁶ Lumenge mouw wia niaku wo i koupusola niaku, karengan niaku ku maesa-esa reiy’la patuari wo neiy i kalotoiy. ¹⁷ Le’arola e nateku se’esek wo i rou’ momi aku waki kapedisangku! ¹⁸ Tebonouw em peme’itangku wo eng kasusa’angku, wo ampunganola e reiy’ sa mina’asa dosaku. ¹⁹ Loo’onouw, kumura eng kelakerna se kesaruku, wo kumura sea mari’iris niaku ampit eng kasa minamut. ²⁰ Tayuranouw satorona si imukurku wo i waya momi aku; te’a mouw aku maka’ato irang, karengan niaku ku timerung wia-Nikoo. ²¹ Kale’osan e nate wo eng kajujuran satorona en tumeper niaku, karengan niaku ku mengena-ngena’la Nikoo. ²² Oh TUHAN, i waya momi se tou Israel waki e reiy’ sa mina’asa kase’esekanna!