¹ Mazmur ni Daud. TUHANouw si makapunya em bumi ma’an e reiy’ sa minasa em pumpunena, wo eng kaoatan ma’an se maena’ witu eng goremna. ² Karenagn Nisia mouw si timo’otolela nyi’a witu natas en tasik wo minalinto’orla nyi’a witu natas en so’oso’an-so’oso’an. ³ Seiy ku’a re’en si toro sumosor mea waki atas eng kuntung ni TUHAN? Seiy ku’a re’en si toro rumedeiy waki tampa-Na eng kudus?” ⁴ “Sitou em beresi e lawasna wo lenas e natena, si reiy’ simarakanla en touna wia em pale’ekokan, wo si reiy’ matiwa’ e reiy’ ulit. ⁵ Nisia mouw si laa sumungkul em berkat waki si TUHAN wo eng ka’adilan waki si Empung si limawirla nisia. ⁶ Ni’itu mouw se angkatan ne tou-tou se minueiyla Nisia, se masero eng gio-Mu, eeh Empung ni Yakub.” S e l a (maseng) ⁷ Ka’atouw eng kokongmu, heiy pepalen-pepalen leloangan, wo kina’adetanouw kouw, heiy pepalen-pepalen e minaka abat-abatouw, rio ghumorem si Raja Kamulia’an! ⁸ “Seiy ku’a re’en i ti’i si Raja Kamulia’an?” “TUHAN , si jaya wo waraneiy, TUHAN, si waraneiy witu em paseke’an!” ⁹ Ka’atouw eng kokongmu, heiy pepalen-pepalen leloangan, wo kina’adetanouw kouw, heiy pepalen-pepalen e minaka abat-abatouw, rio ghumorem si Raja Kamulia’an! ¹⁰ “Seiy ku’a re’en Nisia i ti’i si Raja eng Kamulia’an?” “TUHAN e minapekasa alam, Sia mouw si Raja Kamulia’an!” S e l a (maseng)