¹ Mazmur ni Daud. TUHAN nyi’a mouw si rumerawirku, reiy’ sikakurangan aku. ² Sia si ghimoleiyla niaku waki padang e makarukut lisouw, Sia si timeper niaku mea waki rano kaleneran; ³ Sia si simegaya’la e imukurku. Nisia si rimawir niaku witu e lalan ulit eng karengan e ngaran-Na. ⁴ Ma’anouw tu’u aku makelang witu eng kewong karibe’ebengan, niaku ku reiy’ meide em bahaya, karengan Nikoo koo ma’an niaku; em bewewe-Mu wo em bulu’-Mu, ni’itu mouw e meibor niaku. ⁵ Nikoo koo simadiala sesakeiyan i wee niaku, witu en sinaru ni kesaruku; Nikoo koo minisu’la eng kokongku ampit e lana; em pialaku e wuta masewel. ⁶ Kale’osan wo eng kamura’an tu’uman e laa kumi’itla niaku, esa nga umur em patou-touangku; wo niaku ku laa mena’ witu em bale ni TUHAN kelabotan e masa.