¹ I wee si ma’aka-aka ne biduan. Mazmur ni Daud. Satorona si TUHAN si mingkot nikoo witu e nedo kase’esekan! Satorona e ngaran ni Empung ni Yakub e mentenla nikoo! ² Satorona ni’i papa’ali-Nami en sesawang wia nikoo waki tampa kudus wo su’unen-Nami nikoo waki Sion. ³ Satorona eng genangen-Na e reiy’ sa mina’asa tetule sesempemu, wo ni’i kepa’ar-Nala en tetule tinunumu. S e l a (maseng) ⁴ Satorona i wee-Nala wia nikoo sapa ni’i kepa’armula wo en siwon-Nala mua’ sapa en tiniro’mula. ⁵ Nikeiy keiy pa’ar merio-rio tanume eng kamenangan-Nu wo mopo em panji-panji demi e ngaran ni Empung ta; satorona si TUHAN si mutala e reiy’ sa mina’asa em pengiweennu. ⁶ Teakan niaku ku mete’u, kaa si TUHAN si minee kamenangan wia sitou si ni’isu’-Nala wo mingkoti nisia waki sorga-Na eng kudus ampit eng kamenangan eng kasa masere-serengat kaa e lawas lele’os-Na. ⁷ Sitou i yi’i si mesawa’la eng kareta wo sitou i ti’i si mesawa’la se kawalo, ta’an nikita kita mesawa’ witu e ngaran ni TUHAN, Empung ta. ⁸ Nisea se rimewa wo i ka’anu, ta’an nikita ta tumo’or rumedeiy wo minena-ena’ minalito’or. ⁹ Oh TUHAN, weeanola kamenangan wia si raja! Wingkotenouw satorona nikeiy witu e nedo nikeiy nu maaleiy!