¹ I wee si ma’aka-aka ne biduan. Mzmur ni Daud. Langit e masusuiyla eng kamulia’an ni Empung, wo en cakrawala e maabarla em pepa’ayangen e lawas-Na; ² nendo e minapawee-weela e nabar i ti’i wia si nendo, wo em bengi e minapa’ayola en tine’ui ti’i wia si wengi. ³ Reiy’la si abar wo reiy’la si totor, en suara nea e reiy’ palingan; ⁴ ta’an en singkom nea e rimesike minea waki minapekasa eng kaoatan, wo e lelila’an nea e mina’ayome en tempok em bumi. Sia si minaas en dasing waki langit i wee siendo, ⁵ si rimou’mi tanu mokan si peredegom si rimou’mi waki kamarna, mepa’a-pa’ar tanu mokan si pahlawan si laa metetuanala em pakela-kelanganna. ⁶ Waki tempok e langit sia rumetik, wo sia lumedong i ka’ayome waki tempok walina; reiy’la si kinaterungan waki pasu’ en sena’na. ⁷ Taurat ni TUHAN i ti’i e lekep, makasegaya’en e imukur; natoran ni TUHAN i ti’i en te’etep, maweela hikmat wia sitou si reiy’la em pine’ani. ⁸ Titah ni TUHAN i ti’i e minakatena-tena’, mekepa’aren e nate; perenta ni TUHAN i ti’i e lenas, masiwo em beren masena’. ⁹ Talo si TUHAN i ti’i en suci, e minena-ena’ wia i wee eng keurena; e nukum-ukum ni TUHAN i ti’i e nulit, e nadil em baya nyi’a, ¹⁰ lebe wangun ta’an e mas, awes tare waki kelaker e mas tu’a; wo e lebe emis ta’an e madu, awes tare waki madu tiisan waki sala ne tampaner. ¹¹ Awes kangkasi si hamba-Mu si ngine’enge’ala em baya nyi’a i ti’i, wo sitou si timiboiy wia nyi’a si maka’ato tetoro e wangko’. ¹² Seiy ku’a re’en si toro mamete’ula eng kaseipan? i waya momi niaku waki sapa e reiy’ kawena’asangkula. ¹³ Terungenola si hamba-Mu, wo o kangkasi witu sitou si kurangajar; te’a mouw sea kumuasala niaku! Takar niaku ku mamuali reiy’ sisering wo i kewayami waki kaselokan wangko’. ¹⁴ Pa’edonouw Nikoo koo mepa’arla witu e tetotoren en sumaku wo eng genangan e nateku, eeh TUHAN, kuntung watuku wo tumetubuusku.