¹ Sombayang ni Daud. Linganola, TUHAN, em perkara e ulit, weeanola ghenang e naleiyku; weeanouw talinga en sombayangku, waki sumping e reiy’ male’ekok. ² Waki-Nikoo mouw satorona meiy em paakiman: em beren-Nu satorona e lumoo’ sapa e nulit. ³ Sa Koo me’uji e nateku, meriksa nyi’a witu e nedo wengi, wo sumoisapla niaku, takar Nikoo koo reiy’ laa matola e wo’o sapa tu’u kalewo’an; sumaku e reiy’ neiy i kawerot ⁴ Tanume em pasiwo-siwon ni tou, minatoroan ampit e nuwu’ neiy i totor-Mula, niaku ku timayurola en touku witu e lalan ne tou-tou se matuanala eng kaketean; ⁵ eng ke’angku e minena-ena’ maki’itla e nenus-Mu, ne’aku e reiy’ minoghe. ⁶ Niaku ku maaleiy wia-Nikoo, karengan Nikoo koo mingkot niaku, oh Empung; i se’elengomi en talinga-Mu wia niaku, linganola e lelila’angku. ⁷ Papa’ato mola e nupus lale’-Mu maka’erangen, yon Nikoo, si limawirla se tou-tou se timerung witu e lawas lele’os-Mu witu se rumerangu. ⁸ Piaranouw aku tanu e watuna em beren, i kirongola aku witu sinalangkouwan en tetewel-Mu ⁹ witu se tou-tou fasik se kimontoiyla niaku, witu se kesaruku nyawaku eng kimepung niaku. ¹⁰ Nisea se reiy’ mapa’atola en tongkoupusen, nisea se mawela’awa’; ¹¹ nisea se maki’itla eng ke’ang-ke’angku, nisea en teakan se mawuyutla niaku, em beren nea ni’i patorola kaa laa mepepe’epesla niaku mea waki bumi. ¹² Rupa nea en tanu si singa, simerit kaa laa merera’akep, tanu si singa muda, maetip waki tampa neiy i kakirong. ¹³ Tumo’orouw, TUHAN, sarunola sea, i rewa mola sea, i liseiyomi aku ampit en santi-Mu waki se tou fasik. ¹⁴ Liseiyola aku, eeh TUHAN, ampit e lawas-Mu, waki se tou-tou eng kaoatan i yi’i e wetengna nyi’a mouw e witu em patou-touan i yi’i; ma’anouw em po’ot nea e winesula ampit en sapa e neiy-Mu i kirong, i ka’ayo se oki-oki’ nea se mateu-teula, wo en teleu’na neiy i tele’u neala i wee se dade-dade nea. ¹⁵ Ta’an niaku, witu eng kaulitan e laaku tu’usan eng gio-Mu, wo witu e nedo keteto’or niaku ku laa mateu-teula ampit e rupa-Mu.